Gelê Mexmûrê ku xwe li gorî paradîgmaya Abdullah Ocalan birêxistin kiriye û xwe bi rê ve dibe, ji bo vegerê li benda sererastkirinên qanûnî ye. Hevseroka Meclisa Gel Fîlîz Bûdakê got: "Di her kêliya hûnandina vê jiyanê de şopa paradîgmaya Rêber Apo heye."
Siyasetmedarên ku banga mitînga "Civaka Demokratîk û Aştiyê" ya ku dê di 12'ê Cotmehê de li Êlihê bê lidarxistin kirin, gotin: "Armanca mitînga me azadiya fizîkî ya birêz Abdullah Ocalan û pêkanîna tavilê biryara 'mafê hêviyê' ya DMME'yê ye."
Jinên meşvanên azadiyê daxwaza azadiya Rêberê Gelê Kurd Abdullah Ocalan û hemû girtiyên siyasî kirin û her wiha daxwaza aştiyê û ji bo hemû gelan doza wekheviyê kirin.
16 baroyên li Kurdistanê encamnameya civîna xwe aşkera kirin û gotin ku ji bo çareseriya mayinde ya pirsgirêka Kurd, divê serweriya hiqûqê esas bê girtin.
Ferîdûn Kurt ê ku piştî 30 salan di 1’ê Cotmehê de ji Girtîgeha Tîpa F a Boluyê tehliye bû, li bajarê xwe Rihayê bi girseyî hate pêşwazîkirin. Kurt, got: “Heta Rêberê me azad nebe em azad nabin û têkoşîna me dê bidome.”
Girtiyê nexweş Abdullah Guven ku di dema tedawiyê de kelemçekirina destên wî lê hat ferzkirin, ev sepan red kir. Guven, bêyî were tedawîkirin dîsa vegerandin girtîgehê.
Di şîna endama YJA Starê Zeynep Kayayê ya li Elkê de peyama “Bîranînên wê em ê di têkoşîna xwe de bidin jiyîn” hate dayin.
Serokê YNK’ê Bafil Talebanî got: “Ji bo civaka Êzidî bi awayekî birûmet û biewle vegera ser axa xwe em amade ne her cureyên piştgiriyê bidin.”
Baroya Wanê, der heqê platforma Trendyol a ku tîşortên bi ‘Torosa Spî’ difirot de serlêdana sûc kir.
Hêzên girêdayî Hikûmeta Demkî ya Sûriyeyê taxên Şêxmeqsûd û Eşrefiyê yên Helebê dorpêç kirine. Van koman, mizgeft, dibistan û nexweşxane veguherandine cihên leşkerî.
Baroya Amedê diyar kir ku hewceye Selahattîn Demîrtaş û girtiyên di çarçoveya biryarên DMME’yê de tavilê bên berdan.
Endamê Konseya Rêveber a PJAK’ê Fuad Bêrîtan diyar kir ku heke li Îranê valahiyeke hêzê çêbibe ev dibe ku bi xwe re zemîna avabûna pergaleke demokratîk bîne û got hêzên wan li Îranê ji bo hemû senaryoyan amade ne.
Li dijî Rafîneriya Zêr a Stenbolê û şîrketên girêdayî wê operasyon hate kirin û 21 kes hatin binçavkirin.