
Êrişên Îsraîlê didomin: Li Tehranê dengê teqînan  

2025-06-13 22:12:23


	NAVENDA NÛÇEYAN - Êrişên Îsraîlê yên li dijî Îranêw didomin. Li Tehranê dengê teqînan hate bihîstin.&nbsp;

	&nbsp;

	Êrişên Îsraîlê yên li dijî Îranê berdewam in. Li paytext Tehranê dengê teqînan hate bihîstin. Li gorî Ajansa Nûçeyan a Farsê, demekî kin berê li qada sehaya nukleerê ya li Fordoyê dengê du teqînan hate bihîstin û du noqteyên li tesîsê hedef hatin giritn. Li gorî dîmenên ser medyaya Îranê hatine parvekirin, teqînên dijwar li rojavayê Tehranê çêbûn.&nbsp;

	&nbsp;

	Îsraîlê di danê sibehê de li dijî Tehranê, Tebrîzê, Tesîsa Nukleerê ya Natanzê ya li Îsfehenê û Loristan, Kirmanşah, Şîraz, Xuzistan, Hemedan û bajarê Kumê gelek êrişên hewayî pêk anî. Hatibû ragihandin ku zirar negihiştiye tesîsa nukleerê ya li Natanzê.&nbsp;

	&nbsp;

	Di êrişan de Serfermandarê Giştî yê Artêşê Muhammed Bakirî, Fermandarê Giştî yê Muhafizên Şoreşê Huseyîn Selamî, Fermandarê Giştî yê Biryargeha Navendî ya Hatemul Enbiya Gulamalî Reşîd, Fermandarê Hêzên Hewayî û Fezayî yên Muhafizên Şoreşê Emîr Alî Hacizade, gelek rayedarên din ên payebilind ên leşkerî û 6 zanyarên nukleerê hatibûn kuştin.&nbsp;

	&nbsp;

	Di êrişên Îsraîlê de li deverên sivîlan jî hatibû xistin û jin û zarok jî di nav de 78 kesan jiyana xwe ji dest dan û 329 kes jî birîndar bûbûn.&nbsp;

	&nbsp;

	&nbsp;

	&nbsp;