
Şirnexiyan li pêşiya wezaretê got: Bila projeyên bendavan bên betalkirin

2025-07-02 16:15:04


	ENQERE - Welatiyên Şirnexê li dijî avakirina bendavên ku tê payin li Cizîr û Roboskê bên çêkirin, li pêşiya wezaretê bang kirin û xwestin ev projeyên dê rê li ber texrîbata ekolojiyê vekin, bên betalkirin.&nbsp;

	Komîsyona Lêkolîn û Nirxandinê (ÎDK) têkildarî 2 projeyên bendavê ku tê payin li navçeyên Qileban û Roboskê yên Şirnexê bikevin meriyetê, li Wezareta Hawirdor Bajarvanî û Guherîna Avhewayê civiya. Parlamenterên Partiya Wekhevî û Demokrasiyê ya Gelan (DEM Partî), Komîsyona Ekolojiyê ya Komeleya Hiqûqnasên ji bo Azadiyê (OHD) û welatiyên Şirnexê tev li civînê bûn û li dijî projeyan îtîraz kirin.&nbsp;

	&nbsp;

	Parlamenterên DEM Partiyê, Komîsyona Ekolojiyê ya OHD'ê û welatiyên Şirnexî piştî civînê li pêşiya wezaretê daxuyanî dan.&nbsp;

	&nbsp;

	GUNDÎ: EM Ê TÊBIKOŞIN

	&nbsp;

	Fadil Bedirhanoglû yê ji gundê Sax û Heplerê di daxuyaniyê de axivî û da zanîn ku civîna tev li bûne civîna civîna dawî ya projeyê bû. Bedirhanoglû, got: "Em beşdarî civînê bûn û me îtîrazên xwe kir. Me xalên şaş bi wan re parve kir û me ji wan re rave kir ku em e heta dawiyê têbikoşin. Me xwest ku proje bê betalkirin.”

	&nbsp;

	WARÊN DÎROKÎ DIKIN HEDEF

	&nbsp;

	Parlamentera DEM Partiyê ya Şirnexê Newroz Uysal Aslanê jî diyar kir ku têkildarî mijarê bi wezaretê re du civîn li dar xistine û wiha axivî: “Me talanên xwezayê û texrîbatên ekolojîk ên Kurdistanê nirxand. Her du proje jî dê xwezayê texrîb bikin. Ev herêmên ku dixwazin projeyan lê çêbikin, warên Asuran û Bedirxaniyan e û divê ev dever bibin wargehên arkeolojîk.”

	&nbsp;

	POROJEYÊN RANTÊ

	&nbsp;

	Newroz Uysal Aslanê, her du proje weke projeyên rantê yên hilweşîner nirxand û axaftina xwe wiha qedand: "Me îro li vir îtîrazên xwe kirin. Em hêvîdar in ku ev îtîrazên me bibin wesîleya biryarên di cih de ku li gorî xwezaya herêmê û dîroka wê guncav bin. Em ê li dijî sûcên xwezayê têbikoşin û dengê xwe bilind bikin.”&nbsp;