
Fîkret Ataş hate tehliyekirin: A girîng azadiya civakî ye

2025-07-11 17:02:13


	&nbsp;

	ÎZMÎR - Fîkret Ataş ê ku piştî 30 sal û 9 mehan hate berdan, got: “Em kelecana azadiya fîzîkî dijîn lêbelê ev ne bes e. A girîng azadiya civakî ye.”

	&nbsp;

	Fîkret Ataş (55) ê ku li Girtîgeha Hejmar 1 a Tîpa F a Bucayê dihat ragirtin, piştî 30 sal û 9 mehan hate berdan. Ataş, ji aliyê malbatê û rêvebirên Komeleya Piştevaniya bi Malbatên Girtî û Hikumxwaran re ya Egeyê (EGE-TUHADER) hate pêşwazîkirin.

	&nbsp;

	Ataş, bal kişand ser rewşa girtiyên nexweş û wiha axivî: “Em kelecana azadiya fîzîkî dijîn lêbelê ev ne bes e. A girîng azadiya civakî ye. Li gorî baweriya me divê em bi gel, ziman, çand û baweriya xwe ve azad bin. Em kelecana pêvajoya nû dijîn.”

	&nbsp;

	Ataş, bi malabata xwe re ber bi Stenbolê ve bi rê ket. Ataş, piştî Stenbolê dê biçe Dêrsimê.

	&nbsp;

	FÎKRE ATAŞ KÎ YE?

	&nbsp;

	Ataş ê ku di sala 1994’an de li Sêwazê hatibû girtin, Dadgeha Ewlekariya Dewletê (DGM) ya Kayseriyê, bi îdiaya “Xerakirina yekitî û yekparetiya dewletê" cezayê muebbedê daye. Tehliyeya Ataş, ji ber “Redkirina poşmaniyê” 9 meh hatibû astengkirin. Ataş ê ku li girtîgehên Yozgat, Mereş, Enqere, Çankiri, Çewlig û Meletiyê maye nexweşiyên wî yên çav, mîde û rovî heye.&nbsp;

	&nbsp;