
Hêzên Şamê ketin nava Siwêdayê 

2025-07-15 11:13:48


	&nbsp;

	NAVENDA NÛÇEYAN - Wezareta Parastinê ya hikumeta veguhêz a Şamê ragihand ku hêzên hikumetê ketine nava bajarê Siwêdayê.

	&nbsp;

	Wezareta Karên Hundir a Hikûmeta Veguhêz a Şamê ragihand ku hêzên wan ketine bajarê Siwêdayê û rewşa awarte hatiye îlankirin. Di daxuyaniya wezaretê de hat gotin ku hêzên hikumetê dest bi ketina nava bajarê Siwêdayê kirine ku di bin kontrola şervanên durzî de ye.

	&nbsp;

	Li bajêr qedexeya derketina derve hat ragihandin. Wezareta Parastinê ji şêniyên Siwêdayê xwest ku "li malên xwe bimînin û liv û tevgera hemû komên neqanûnî ragihînin."

	&nbsp;

	Beriya niha bi demeke kurt lîderên rûhanî yên Durzî belavokek weşandin û diyar kirin ku wan ketina hêzên hikumetê ya li nava bajêr pejirandine û bang li komên Durzî kirin ku çekên xwe radest bikin.

	&nbsp;

	Şer destpêkê di navbera şervanên Durzî yên li herêmê û qebûleyên Bedewî de rû da ku Şam piştgiriya wan dike.

	&nbsp;

	&nbsp;