
SOHR: Li Siwêdayê hejmara miriyan gihîşt 2 hezaran

2025-08-29 14:36:20


	&nbsp;

	NAVENDA NÛÇEYAN – SOHR’ê bîlançoya hejmara kesên ku di êrişa hêzên Hikûmeta Demkî de jiyana xwe ji dest dane weşand û ragihand ku hejmara miriyan gihîştiye 2 hezar kesan.

	&nbsp;

	Navenda Çavdêriya Mafên Mirovan a Sûriyeyê (SOHR), ragihand ku di êrişên hêzên Hikûmeta Demkî ya Sûriyeyê yên li ser Siwêdayê de di meha Tîrmehê de hejmara miriyan 2 hezar kes derbas kiriye.&nbsp;

	Li gorî daxuyaniyê, di hefteyê dawî de hejmara cenazeyên ku li herêmê hatine dîtîn û nasnameya wan hate tespîtkirin bîlanço zêde kir. Êrişên li Siwêdayê di 13’yê Tîrmehê de li dijî gelê Durzî bi êrişa Bedewiyên Sûnî yên bi piştigiriya Şamê ve dest pê kiribûn.

	&nbsp;

	Piştre hêzên girêdayî HTŞ’ê û hêzên paramîlîter ên girêdayî Tirkiyeyê û komên DAIŞ’î êrişê Durziyan kiribûn. Li gorî daneyên SOHR’ê, kesên jiyana xwe ji dest dane jê 727 şêniyên Siwêdayê ne û ji wan jî 167 kes sivîl (21 zarok, 57 jin) in.&nbsp;

	&nbsp;

	Herwiha di daxuyaniyê de hate ragihandin ku 765 sivîlên Durzî, ku jê 69 jin, 15 zarok û 20 kes jî xebatkarên tenduristiyê ne ji aliyê hêzên girêdayî Wezareta Parastin û Wezareta Karê Hundir ve bi awayekî “înfaza bêdaraz” hatine qetilkirin.&nbsp;

	&nbsp;

	&nbsp;