NAVENDA NÛÇEYAN - Torena ku dê PKK li Herêma Federe ta Kurdistanê li dar bixe dê ji hêla bi dehan partiyên siyasî, komele, rêxistinên civaka sivîl û rêxistinên hiqûqê ve bê şopandin.
Çavê dinyayê dê li ser geşedanên vê hefteyê di “Pêvajoya Aştî û Civaka Demokratîk” de biqewimin be. Di çarçoveya pêvajoya bi boneya çareseriya pirsgirêka Kurd û demokratîkkirina welat hatiye destpêkirin de amadekariyên ji bo avakirina komîsyona li Meclisê didome û li hêla din jî dê li Herêma Federe ya Kurdistanê şahidiya geşedanên dîrokî were kirin.
Li bendê ye ku Rêberê Gelê Kurd Abdullah Ocalan gavekî nû biavêje û bangê li PKK’ê bike. Demekî kin piştre jî dê komeke PKK’î torena berdana çekan li dar bixe. Tê diyarkirin ku di vê torenê de dê kadroyên rêveber jî cih bigirin lê dîroka lidarxistina torenê nediyar e. Lêbelê tê gotin heta dawiya hefteya pêş teqez dê were lidarxistin.
Partiya Wekhevî û Demokrasiyê ya Gelan (DEM Partî), têkildarî torena tê payîn were lidarxistin, daxuyaniyeke girîng da. Di daxuyaniyê de hate gotin ku dê çendek rewşenbîr û nivîskar jî bi organîzatoriya partiyê bibin torenê. Her wiha ji bo şopandina torenê bang li rojnamegeran hate kirin.
Toren dê bi weşana zindî were dayin. Di heman demê de ji Kurdistan, Tirkiye û ji gelek welatan gelek kes dê torenê bişopînin û tev li bibin.
PARTIYÊN SIYASÎ
Partiyên siyasî, rêxistinên mafên mirovan û hiqûqêi komelele û rêxistinên civaka sivîl ên ji bo torenê hatine vexwendin ev in:
Partiya Şoreşger, Partiya Sosyalîst a Bindestan (ESP), Partiya Çep a Kesk, Partiya Jinûveavakirina Sosyalîst (SYKP), Platforma Piştevaniya Sosyalîst (SODAP), Partiya Karkeran a Tirkiyeyê (TÎP), Partiya Azadiya Civakî (TOP), Partiya Kedê (EMEP), Partiya Tevgera Kedkar (EHP), Federasyona Meclisên Sosyalîst (SMF), Halk Evlerî, Partiya Çep, Partiya Saadetê, Partiya DEVA’yê, Partiya Gelecekê, YRP, CHP û Partiya Vatanê.
PARTIYÊN KURDISTANÎ
Partiya Komunist a Kurdistanê (KKP), Partiya Însan û Azadî (PÎA), Partiya Sosyalîst a Kurdistanê (PSK), Partiya Demokrat a Kurdistan-Tirkiyeyê (PDK-T), Partiya Azadî, Hereketa Azadî, Komeleya Kurd a Şoreşger Demokratîk (DDKD), PDK-Bakur.
BARO Û RÊXISTINÊN HIQÛQÊ
Baroyên li Kurdistanê, Buroya Hiqûqê ya Asrinê, Yekitiya Baroyên Tirkiyeyê (TBB), Komeleya Hiqûqnasên ji bo Azadiyê (OHD), Komeleya Hiqûqnasên Hemdem (ÇHD), Rêxistina Efûyê ya Navneteweyî, Weqfa Aştiyê, Komeleya Mafên Mirovan (ÎHD), Hewldana Civakî ya ji bo Aştiyê, Înîsiyatîfa Maf û Edaletê, Înîsiyatîfa Hunerê ya ji bo Aştiyê û MAZLUMDER.
RÊXISTINÊN CIVAKA SIVÎL Û KARSAZ
Konfederasyona Sendîkayên Kedkarên Cemaweriyê (KESK), Konfederasyona Sendîkayên Karkerên Şoreşger (DÎSK), Yekitiya Odeyên Endezar û Avahîsazên Tirk (TMMOB), Yekitiya Bijîşkên Tirk (TTB), Konfederasyona Sendîkayên Karkeran a Tirkiyeyê (TURK-ÎŞ), Konfederasyona HAK- ÎŞ’ê, Komeleya Pîşesazên Tirk û Karsazan (TUSÎAD), Komeleya Pîşesazên Serbixwe û Karsazan (MUSÎAD), Komeleya Pîşesaz û Karsazên Amedê (DÎSÎAD), Komeleya Pîşesaz û Karsazên Başûrrojhilat (GUNSÎAD), Yekitiya Ode û Borsayan a Tirkiyeyê (TOBB), Federasyona Komeleyên Karsazên Rojhilat û Başûrrojhilat û Yekitiya Şaredariyan a Tirkiyeyê.
RÊXISTINÊN ELEWÎ Û JINAN
Tevgera Jinên Azad (TJA), Dayikên Aştiyê, tevgerên feminîst, Federasyona Elewî Bektaşî (ABF), Komeleya Çandê ya Pîr Sûltan Abdal (PSAKD), Federasyona Elewiyan a Tirkiyeyê (ADFE), Konfederasyona Yekîneyên Elewiyan a Ewropayê (AABK), Navenda Giştî ya Komeleyên Çanda Elewî (AKD), Komeleya Şêx Seîd, Komeleyên Elewiyan ên Demokratîk (DAD), Kongreya Îslama Demokratî (DÎK), Komeleya Alîkarî Piştevanî Yekitî û Çandê ya bi Malbatên Girtî û Hikûmxwaran re (MEBYA-DER), Federasyona Hiqûq Piştvaniyê ya bi Malbatên Girtî û Hikûmxwaran re (TUHAD-FED) û Hewldana 78'iyan.
MALBATÊN ROBOSKÊ Û GEZIYÊ
Înîsiyatîfa Pêdiviya Min bi Aştiyê Heye, Dayikên Şemiyê, Malbatên Roboskê, Malbatên 10’ê Cotmehê, Malbatên Pirsûsê û Malbatên Geziyê.
NÛNERÊN JI GELÊN CUDA JÎ DÊ TEV LI BIBIN
Ji gelên Suryan, Ermen, Çerkes, Ereb, Laz û Azerî jî li bendê ye gelek kes torenê bişopînin. Her wiha, zêdetirî 100 rojnameger, nivîskar, rewşenbîr û parastvanên mafên mirovan jî dê yekser torenê bişopînin.
DIBE KU HEVSEROKÊN GIŞTÎ TEV LI BIBIN
Hat zanîn ku ji Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî) û Kongreya Demokratîk a Gelan (HDK) jî çendek hevserokên giştî û hevberdevk torenê bişopînin.
HERÊMA FEDERE YA KURDISTANÊ
Li hêla din, hate zanîn ku gelek siyasetmedarên PDK û YNK’î û nûnerên partiyên siyasî, rêxistinên civaka sivîl û rewşenbîr, nivîskar û rojnamegerên ji Herêma Federe ya Kurdistanê jî torenê bişopînin.
MA / Azad Altay