Hevberdevka Dîplomasiyê ya Partiya Herêmên Demokratîk (DBP) Hafîze Îpekê nîqaşên di navbera partî û rêxistinên Kurd de yên der barê avakirina yekitiya neteweyî de nirxand. Hafîze Îpekê diyar kir ku piştî banga Rêberê Gelê Kurd Abdullah Ocalan a ji bo yekitiya neteweyî wan têkiliyên xwe bi partiyên Kurd re zêde kirine û got ku nêzîkatiya giştî erênî ye. Hafîze Îpekê ragihand ku hevdîtinên bi partiyên ku bi baldarî nêzî pêvajoyê bûne re berdewam dikin.

 

'YEKİTIYA NETEWEYÎ BIVÊNEVÊ YE'  

 

Hafîze Îpekê avakirina Înîsiyatîfa Yekitiya Demokratîk û Platforma Yekitiya Jinên Kurd di çarçoveya xebatan de hatine avakirin û got ku yekitiya neteweyî "bivênevê" ye. Hafîze Îpekê got: "Ev parçebûna di navbera Kurdan de xizmeta Kurdan nake. Xizmeta gelên vederkirî nake. Ji bo ku ev pêvajo ji bo Kurdan serkeftîtir be, yekitî pêwîst e. Bi vê hişmendiyê, xebat berdewam dikin."

 

Hafîze Îpekê diyar kir ku nakokiyên di nava Kurdan û hin pêşketinên navneteweyî li pêşiya yekitiya neteweyî asteng in û got: "Yekitiya neteweyî ya Kurd bê guman dê bi ser bikeve." Hafîze Îpekê peyama Abdullah Ocalan ku got "parçebûna Kurdan bûye birîn û qelsiyeke mezin a civakî" wiha pê de çû: "Birêz Ocalan dibêje ku divê yekitî bi şertê ku Kurd bikaribin xwe bi xwe bi rê ve bibin were avakirin. Ez bawer dikim ku divê hemû beşên civaka Kurd bi hev re têkoşîna xwe di projeyên wekî yekitiya çandî û yekitiya zimanî de mezin bikin."

 

Hafîze Îpekê bal kişand li ser pêwîstiya yekitîyê hemû partî, sazî û rêxistinan kir û got: "Yekitîya neteweyî bi kombûna li ser bingeheke hevpar mimkun e. Hewldanên ji bo bidestxistina vê bingeheke hevpar berdewam dikin. Bi taybetî di eniya jinan de: li Rojavayê platformeke jinan hat damezrandin. Li Başûr platformeke jinan hat damezrandin. Daxuyaniya Platforma Jinên Kurd jî li Bakur hat dayîn. Avakirina Yekitiya Neteweyî ya Jinên Kurd dê encama vê kombûnê be û ev bi rastî jî avabûneke bênavber e. Divê bi giştî jî heman tişt bibe."

 

‘DIVÊ KURD BIBIN XWEDÎ STATU'  

 

Hafîze Îpekê di warê parastina destkeftiyên Kurdan de bal kişand ser girîngiya yekitiya neteweyî û got: "Divê Kurd di her aliyê yekitiyê de berpirsiyariyê bigirin ser xwe. Divê her kes bi hesasiyet nêzî vê yekê bibe. Ji ber ku stûna herî girîng a aştiyê li herêmê çareserkirina pirsgirêka Kurd e. Îro, piştî têkoşîneke mezin, statu li Rojavayê hat bidestxistin. Divê statuya Kurd di encama adaptekirina şert û mercên li Tirkiyeyê de li gorî vê yekê were bidestxistin. Bi destxistina vê statuyê bi hebûnê pêkan e û hebûn jî, tenê bi yekitiyê dikare bê bidestxistin."

 

MA / Mujdat Can