Aktîvîstê ekolojiyê Huseyîn Akîl bertek nîşanî hewldana çêkirina HES’ê ya li ser Rûbarê Bahçesaray ê li Perwariyê û wiha got: “Ji sedî 77’ê herêmê daristan e. HES’a ku li Perwariyê tê çêkirin dê ziyaneke mezin bigihîne herêmê.”
Wezareta Çandiniyê û Daristanan ku derbarê birîna darên li Şirnexê de daneyan parve nake, îdia kir ku dar ji bo “nûkirinê” tên birîn.
Bi zêdebûna bertekên gel a li dijî birîna daran a li Şirnexê re êdî kesên talana daran dikin rêbazên xwe diguherînin. Talankerên daristanan hewl didin bi brandakirina TIR’an re vê talanê veşêrin.
Hevberdevka Komîsyona Ekolojiyê ya HDP'ê Menekçe Kizildere, bal kişand ser krîza ekolojiyê ya li herêmê û wiha got: "Ev êriş demdar in. Lewma rê û rêbazên têkoşînê yên li hemberî van êrişan jî divê demdar bin."
Wezareta Çandinî û Daristanan, ji bo nêçîra pezkoviyekî ya li herêma Pagan a navçeya Payîzava ya Wanê îhale vekir.
Hevserokê HDP'ê yê Mêrsînê Hoşyar Sariyildiz û Hevseroka ÎHD'ê ya Şaxa Mêrsînê Zeynep Benlî ku ji Mêrsînê beşdarî Meşa Cûdî bûn, diyar kirin ku meş tevî hemû astengî û êrişan jî bû cihê moralê û gotin ku divê têkoşîn bê mezinkirin.
Piştî ku keyayê gundê Gundikê yê Kercewsê gotibû “gur heywanan dikujin" bi hezaran dar hatin birîn. Midûriyeta Daristanê jî îdia kir ku ew nikarin mudaxeleyî birîna daran bikin.
Ji Koalîsyona Edaleta Avhewayê Çîgdem Ozbaş a ku tev li Meşa Cûdî bûyî diyar kir ku ew di wê baweriyê de ne ku dema bêîteatiya sivîl mezin bibe, dê karibin wekî îro ji heqê qedexeyan derkevin.
Tevgera Ekolojiyê ya Mezopotamyayê spasiyên xwe pêşkeşî beşdarvanên Meşa Cudî kirin û got: “Heya ku talan û mêtîngerî biqede dê têkoşîna me jî bidome.”
Wan ÇEVDER di daxuyaniya xwe ya di 19’ê Îlonê Roja Paqijkirina Peravan a Cîhanê de xwest ku pêşî li qirêjbûna Gola Wanê bê girtin.
Parlamenterê HDP’ê Mahmût Celadet Gaydali, diyar kir ku wezaretê bi gotina “Em daristanê ciwan dikin” birîna daran a nêzî saleke li Herêma Çiyayê Gerzevel a girêdayî navçeya Hîzanê didome, parast.
Ji Stenbolê û Îzmîrê gelek kes ji bo tev li Meşa Cûdî ya bi dirûşmeya “Em li Dijî Hilweşîna Şer û Talana Xwezayê Dimeşin” ku sibê tê lidarxistin ketin rê.
Li herêma Rîsorê ya Bestayê di dîmenên hatine kişandin de tê dîtin ku bi hezaran dar hatine birîn.
Cîgirê Hevserokê Giştî yê HDP’ê Nacî Sonmez û Hevberdevka Yekitiya Ekolojiyê Halîme Şaman dan zanîn ku dê di 17’ê îlonê de ber bi Cûdî ve bimeşin û qirkirina daristanan raxin ber çavê tevahiya raya giştî.