Li Stenbolê jinan bi boneya 8'ê Adarê hevdîtinek mezin li dar xist. Di metna hevpar a li ser navê rêxistinên jinan hat xwendin de ji bo siyasetmedara girtî ya nexweş Aysel Tugluk û jinên girtî yên nexweş azadî hat xwestin.
Bi hezaran jin, bi şîara "Li dijî tundiya zilam û dewletê, li dijî qrîz û xizaniyê bijî 8'ê Adarê" li Anitparqê hatin gelhev.
Komîsyona Jinan a ÎHD’a Amedê bi beşdariya Hevseroka xwe Giştî Eren Keskîn panela “mafê jinan” li dar xist. Keskîn got Ewropa şirîkê hemû sûcên li Tirkiyê ye.
Li gelek bajaran jin daketin qadan û diyar kirin ku ew bi ruhê coşa 8’ê Adarê dê biherikin qadên Newrozê. Jinên Cizîra Botan jî li dijî polîtîkayên asîmîlasyonê meşek li dar xistin.
Seroka Komeleya Jinan a Starê Dîlan Kûnt, diyar kir ku li Wanê di mehekê de 4 jin hatine qetilkirin. Kûnt, bal kişand ser sûcên ku tiliya kesên biunîforma û got: "Em ê dev ji kiryarên tiliya wan di sûcên li hemberî jinan de bernedin û wan teşhîr bikin."
Rojnamevanên jin ku bêyî guh li gotinên wekî "wê mêr bêjin çi" dinivîsin, diyar kirin ku bi nûçevaniya xwe hem di çapemeniya muxalif, hem jî di çapemniya hewzê de guherîneke mezin afirandine.
Şîlan Dora ku 20 sal in di çalakiyên 8'ê Adarê de stranên azadiyê distrê got: "Hîseke bêhempa ya dikên 8'ê Adarê heye. Ji lew re tu li wir ji bo azadiya jinên nayên hesibandin, tahde li wan tê kirin distrêyî."
Rêvebiriya Xweser a Bakur û Rojhilatê Sûriyeyê, 8'ê Adarê kir roja betlaneya fermî.
Ji bo ku balê bikişînin ser rewşa girtiyên nexweş, jinan li ber deriyê Girtîgeha Kandirayê daxuyanî dan. Çalakvanan diyar kir ku bi polîtîkaya dijminane nêzî girtiyên nexweş dibin û wiha hat gotin: “Girtî li hundir û em jî dê li derve li ber xwe bidin.”
Jin li gelek bajaran çalakî û şahiyên 8’ê Adarê li dar xistin û banga mezinkirina têkoşîna li dijî pergala serdest a zilaman kirin.
TJA, ANYAKAY-DER û EGE TUHAYDER’ê li pêşiya Girtîgeha Şakran a Alîogluyê daxuyaniyek dan û bal kişandin ser rewşa girtiyan. Di daxuyaniyê de hat gotin ku divê tecrîd bi dawî bibe û girtîgeh bên valakirin.
Li gorî daneyên JINNEWS’ê, di meha sibatê de 24 jin û 2 zarok hatin qetilkirin. Her wiha 26 jin û 7 zarok jî bi rengekî guman jiyana xwe ji dest dan.
Li Berdeqareman a Silêmaniyê şahiya pîrozbahiya 8’ê Adarê hat lidarxistin. Di şahiyê de jinan banga azadiya Rêberê PKK’ê Abdullah Ocalan kirin û li ber stranan govend gerandin.
Jina bi navê Emîne Sapmaz li Menemen a Îzmîrê hate qetilkirin. Tê gotin ku Sapmaz, ji hêla hevjînê xwe ve hatiye qetilkirin.
Endama Platforma Jinan a Enqereyê Latîfe Kahya da zanîn ku dê bi dirûşma “Li dijî tundiya mêr û dewletê, li dijî krîz û xizaniyê, bijî 8’ê Adarê” bi jinan re bicivin. Kahya, diyar kir ku desthilatdariya AKP-MHP’ê hewl dide têkoşîna wan têk bibe lê dê ev miraza wan hasil nebe.