Parlementera HDP’ê Feleknas Ûca bertek nîşanî hewldayîna astenkirina daxuyaniya ku jinan xwest li Êlihê bidin da û wiha got: “Em en ji we ne jî ji tankên ditirsin. Em ê têkoşîna xwe bidomînin.”
TJA û Meclisa Jinan a HDP'ê, starta çalakiyên ku wê ji bo 25'ê Mijdarê li dar bixin li Mersîn û Riha dan.
Jinên MATÛHAYDER'î di çarçoveya çalakiyên 25'ê Mijdarê de ji jinên girtî re qertên piştevaniyê şandin.
Platforma Jinan a Îzmîrê, ji ber 25'ê Mijdarê, bi bernameyeke taştê bi jinan re hat gelhev. Jinan, got ku wê careke din di 25'ê mijdarê de li dijî tundiya dewlet-zilaman a li ser jinan li qadan bin û banga mezinkirina têkoşînê kirin.
Fîlîz Kerestecîoglû ya HDP'î ji bo Pakêta Darazê ya 5'an diyar kir ku guherînên tên derpêşkirin ji bo jin û zarokan xetereyên mezin di xwe de dihewînin û got: "Pakêta Darazê ya 5'an zarokan naparêze."
Li navçeya Kuçukçekmeceyê, zilamê bi navê Sedat K., Ummugulsum Yariş qetil kir.
Endama Platforma Jinan a 25’ê Mijdarê Rojda Aksoy diyar kir ku li dijî “şîdeta mêr-dewletê” ew ê di 25'ê Mijdarê de li Tunela Taksîmê bin û got, "Em dest ji gotina 'ji bo me neqediya ye' bernadin.
Meclîsa Jinan a HDP’ê ku ragihand li dijî êrişên ser destkeftiyên wan dema azadiya jinê ye, diyar kir ku li dijî tundiya dewlet-zilam, şer û xizaniyê wê di 25’ê Mijdarê de li qadan bin.
Bernameya Meclisa Jinan a HDP'ê ya 25'ê Mijdarê diyar bû. Wê meclis li hemû bajaran meş li dar bixe.
Endamên Meclîsa Dayikên Aştiyê ya Wanê, diyar kirin ku bi salan e şahidê vî şerî ne û ji bo aştiyê îşaret bi azadiya Rêberê PKK'ê Abdullah Ocalan kirin.
Platforma Jinan a Mersînê, bi şîrara "Li dijî tundiya zilam û dewletê em biçin xweparastinê, di 25'ê Mijdarê de em derkevin kuçeyê" bernameya xwe ya çalakiyan aşkera kir.
Di biryara bihincet a derbarê Berdevka Demkî ya TJA'yê Ayşe Gokkan de ku 30 sal ceza lê hatibû birîn de tevlîbûna çalakiyan a Gokkan weke "gefa micid a li jiyana demokratîk" hatiye hesibandin.
Rûxandina li Taxa Ben û Senê didome. Jinan bal kişandin ser çanda taxê û gotin: "Em nikarin li cihekî din bijîn."
Berdevka DAKP'ê Çagla Îzcî, diyar kir ku dê bi çalakiyên xwe yên bi dirûşmeya "Dem dema azadiya jinê ye", pêşî li ber polîtîkayên şerê taybet ên li herêmê tên meşandin bigirin.
Hevseroka Giştî ya HDP'ê Pervîn Bûldan, diyar kir ku wê bi jinên cîhanê re ji tundiyê re bibêjin "na" û ev tişt got: "Ev desthilat wê di hilbijartinên ewil de têk biçe, kavila li pey wê bimîne jî wê sûcên wê yên li dijî jinan bin."