Yek ji avakarên VAKAD'ê Zozan Ozgokçe, diyar kir ku biryara fesixkirina Peymana Stenbolê mêrên tahdeyê li jinan dikin bi hêz û quwet dike û jinên serî li midûriyetên polîsan û qereqolan didin ji wan re tê gotin "êdî biryara dûrxistinê tune ye" û bêyî tevdîrek bê girtin wan dişînin malê.
Heyeta HDP’ê, di çaroveya xebata “Ji xizaniya jinan re na” de li Îzmîrê bi jinan re civiya û got ku wê pirsgirêkên ji ber pêvajoya pandemiyê zêde bûne dê bibin rojeva meclisê.
Reutersê di dîroka xwe ya 170 salan de cara yekem e ku jinek wek gerînendeyê weşana giştî diyar kir.
4 jinên ku endamên SKM’ê û OGK'ê yên li ber Buroya Ragihandinê ya Serokkomariyê ji bo Peymana Stenbolê çalakî li dar xistin, hatin binçavkirin.
Endama Meclîsa Şaredariya Bajarê Mezin a Edeneyê ya CHP’ê Leyla Karakaş, bi bîr xist ku Peymana Stenbolê bi têkoşîna jinan hat qezenckirin û wiha got: “Em dest ji peymanê bernadin. Werin em bi hev re li peymanê û li jiyana xwe xwedî derkevin.”
Dozger di danişîna 3’yemîn a doza derbarê wezîfedarên ewlekariyê li Navenda Paşde Şandinê ya Wanê ku destdirêjî Z.N. ya ji Îranê kiribûn de biryara xwe da.
Li Cîhangira Stenbolê Berzan E.Ç. ku jinekê tacîz kiribû hat girtin. Li Mersînê jî 3 kesên ku îşkence li Berrîn Dalyanoglû Keskîn kiribûn û ew kuştibûn hatin girtin.
Derket holê ku Saynûr Suyuncu ku jiyana xwe dest da bi tundiya sîstematîk re rûbirû maye û çûye qereqolê giliyê tiyê xwe S. û R. Suyuncu kiriye.
Nûnerên partiyên siyasî û sendîkayan destnîşan kirin ku Peymana Stenbolê "keleha" jina ye û bang li tevahiya civakê kirin û gotin: "Ji bo ji nû ve avakirina kelehê, divê her kes di têkoşîna de israr bike."
Miyaser Alagoz, di temanekî biçûk de bi darê zorê hatiye zewicandin. Bi zilamekî ku nizanibûye navê wî çi ye re hatiye zewicandin. Alagoz, destnîşan kir ku travmaya xwe lê girtiye demeke dirêj dewam kiriye, lewma divê zewaca di temenekî biçûk de neyê qebûlkirin.
Jinên sûriyeyî yên ducanî ku ereboka wan li nav pişta wan û di qufe an jî selikên wan de zarokên wan, li kuçe û kolanên Rihayê ji bo 15-25 TL'yan kaxez û qartonan berhev dikin.
Rêxistinên CHP’ê yên navend û navçeyên Îzmîrê, ji bo betalkirina fesixkirina Peymana Stenbolê serî li Şûraya Dewletê da.
Meclisa Jinan a HDP’ê plansaziya xebata “Ji xizaniya jinê re na” ku li Herêma Egeyê starta wê li Îzmîrê hat dayîn, aşkera kir û ev tişt got: “Em ê destûr nedin ku keda me bê xwarin û tune bê hesibandin.”
Cenazeyê Saynûr Suyuncu ya li navçeya Hawêlê bi awayekî şewitî hat dîtin û li nexweşxaneyê jiyana xwe ji dest da hat veşartin.
Li navçeya Qoserê, Emîne Gokçen li mala xwe mirî hat dîtin.