Jinên Rojhilatî ji bo piştgiriyê bidin çalakiya Leyla Guven, name şandin û gotin: "Hevala Leyla, berxwedana te li hemberî deselatdariya faşîst û zêhniyeta zilamsalarî ku di heman demê de ji bo tevahiya mirovatiye, ji bo aştî û aramîye ye hemî sînûran derbaz kiriye.
Hêjmara 12'emîn a Kovara Zanistî û Bîrdozî ya Jineolojî bi dosyaya "Rebazen Berxwedanê ya Jinê 2" derket.
Namzeta Hevşariya Sûrê ya HDP’ê Filiz Buluttekin, diyar kir ku dê li navçeya Sûrê li diji polîtikayên bişaftinê ji nûve vîna gelan ava bikin.
Avakara Komeleya Jinê Rosa Narîn Gezgor, diyar kir ku ji bo têkoşîna li dijî şideta li hemberî jinê ew e hatine cem hevdu û komel ji bo jinan bûye cihê hêvî û ronahiyê.
Danişîna doza Hevseroka KCD'e Leyla Guven ku li dijî tecridkirina Rêberê PKK'ê Abdullah Ocalan 78 rojin di grevê de ye dê sibê li Edliyeya Amedê bê dîtin. Guven di danişîna berê de diyar kiribû ku heta daxwazên wê yên der barê tecrîdê de pêk neye dê dernekeve danişînê.
Hevseroka KCD'ê Leyla Guven ku 77 rojin li Girtîgeha tîpa E ya Amedê li dijî terîdkirina Rêberê PKK'ê Abdullah Ocalan di greva birçîbûnê de ye, nameyek ji TJA re şand û got: “Bi enerjiya diherike Îmraliyê teqez dê tecrîd bişkê. Li her derê û li her derê em dê serkeftinê bi dest bixin û bi serkeftinê bi encam bikin."
Platforma Jinan a Dîcle Amedê (DAKAP), bi armanca êrîşa polîsan a li dijî endam û rêveberên xwe yên du roj berê li pêş Girtîgeha Tîpa E ya Amedê ji bo piştgiriyê bidin çalakiya Leyla Guven daxuyanî dan û hatin binçavkirin, li pêş AZC Plazayê kom bûn û meşiyan heta Egîtim Sen'ê. Jinan diyar kirin ku ew gavan paşve navêjin û dê bêtir dengê xwe bilind bikin.
Çalakiya Hevseroka KCD'ê Leyla Guven a greva birçîbûnê ya bêdem û bêdorveger di roja 74'an de berdewam dike. Platforma Jinan a Dîcle Amed, li ber Girtîgeha Tîpa E ya Amedê çalakî pêk anîn. Koma jinan ku xwestin daxuyaniyê bidin ewil li firfirgan xistin û degn derxistin. Di çalakiyê de polîsan 15 jin binçavkirin.
Aktivîsta TJA'yê Gulcîhan Şîmşek ku di 12'ê Îlona 2012'an de li girtîgehê ket greva birçîbûnê got: "Di 12'ê Îlonê de Kemal Pîr û hevalên wî li Zindana Amedê li dijî bêhiqûqiyan li ber xwe dan; niha jî Hevseroka KCD'ê Leyla Guven ev berxwedan dewr girtiye."
KADAV’ê ji bo pêdiviyên hejmar û kincan ên girtîgehan dest bi kampanyeya "Walîz kir û lîsteya pêdiviyên kincên jinan, LGBTÎ û zarokan weşand.
Daîreya Cezayê 1'emîn a Dadgeha Bilind xwest ku cezayê girtîgeha mûebetê ya Nevîn Yildirim a li navçeya Yalvaçê ya Ispartayê li dijî zilamê ew tecawîz kir mafê xwe yê parastina rewa bikar anî û kuşt, bê erêkirin.
Pêşangeha bi navê "Ji bo Jin Bijîn" balê dikişîne ser cinayetên jinan. Di pêşangehê de 19 jinan bi 30 çîrokên cuda tecrûbe û ezmûnên xwe yên jinatiyê vegotin.
JIN TV, ji îro û pêve dest bi bultenên nûçeyan ên bi Kurdî, Erebî û Tirkî yên zindî dike.
Alîgira Serokatiya Federasyona Komeleyên Kangalê Hacer Elçîn, destnîşan kir ku tecrîd tenê ne pirsgirêka kurda ye û got: "Weke jineke elewî û tirk tecrîd pirsgirêka min e jî. Loma ji dil û can piştgiriyê didim çalakiya Leyla Guvenê."
Konferansa Jinan a HDK'ê ku tecrîdkirina Rêberê PKK'ê Abdullah Ocalan û çalakiya grevê ya li girtîgehan kir rojeva xwe, dest pê kir. Hevberdevka HDK'ê Gulistan Kiliç Koçyîgît axaftina vekirinê kir û wiha got: "Faşizm dixwaze hemû Tirkiye bifetisîne. Li ser navê mirovahî, aştî, demokrasî û edaletê tiştek nehiştiye. Tariya mutlaq li ser mirovan ferz dike. Di pêvajoyek wisa de Guven şemala azadî û aştiyê pêxist. Şemala Guven dê rêya jinan ronî bike.