Endamê Meclisa Tenduristiyê ya HDK'a Îzmîrê Erhan Morkoç, bal kişand ser şer û bandora wê ya li ser gel û got: “Divê rêxistinên tenduristiyê têkildarî avakirina aştiyê tenê bi gotinê ve sînordar nemînin, divê beşdarî pêvajoyê bibin.”
Hevberdevka Dîplomasiyê ya DBP'ê Hafîze Îpekê diyar kir ku divê hemû rêxistinên Kurd ji bo yekitiya neteweyî li ser bingeheke hevpar bicivin û got ku divê Kurd li her derî ji bo yekitiyê bi berpirsiyarî tevbigerin.
Parlamenterê Fransî Carlos Martens Bilongo diyar kir ku hevdîtina bi Abdullah Ocalan re ji bo wî girîng e û got ku mijara sereke ya pêvajoyê piştî bêçekkirina PKK'ê ye. Rojnamevanê Japonî Yasuda Koichi jî got: "Abdullah Ocalan, Nelson Mandela û Che Guevarayê îroyîn e. PKK çekên xwe datîne û ji bo avakirina civateke nû hewl dide."
Ji Koordînasyona Rêxistinkirinê Azîz Ozkan ku "Civînên Civaka Demokratîk" ên li Amedê nirxand, got ku xwedîderletineke zêde ji bo pêvajoyê heye, lê wekatî di warê baweriya bi dewletê de bi fikar in.
Serokê Baroya Agiriyê Serdar Gunakin destnîşan kir ku "Pêvajoya Aştî û Civaka Demokratîk" ji bo avakirina demokrasiyê girîng e û got: "Divê hemû aktor bi feraseteke di ser siyasetê re xwedî li pêvajoyê derkevin."
Rêberê Gelê Kurd Abdullah Ocalan ev bang kir: “Qonaxa em gihiştinê me neçar dike ku bi gavên nû re em bikevin nava pratîkê. Ez ne bi hêza çekê lê bi hêza siyaset û aştiya civakî bawerim. Û bang li we jî dikim ku hûn jî vê rêgezê bixin meriyetê.”
ANF’ê ragihand ku dê banga dîrokî ya Abdullah Ocalan were weşandin.
Şaredarê Şaredariya Bajarê Mezin ê Edeneyê Zeydan Karalar hat girtin.
Ji bo Şaredarê Semsûrê Abdurrahman Tutdere biryara hefsa malê hate dayîn.
Girtiyê nexweş Devrîm Ayik li Girtîgeha Tîpa S a Antalyayê tê ragirtin, ji sedî 76 astengdar e û ji bo tehliyeyê serlêdan kir. Serlêdana Ayik, hate redkirin.
Rejîma Îranê bi hinceta ku têkiliya wan bi çalakiyên “Jin, jiyan, azadî” re heye, cezayê îdamê da 5 girtiyan.
Şaredarê Bajarê Mezin ê Edeneyê Zeydan Karalar bi daxwaza girtinê û Şaredarê Semsûrê Abdurrahman Tutdere jî bi daxwaza kontrala edlî sewqî dadgehê hate kirin.
DMME’yê têkildarî rewşa girtî ya Hevserokê HDP’ê yê berê Selahattîn Demîrtaş biryara binpêkirina maf da.
