Serokê Partiya Pêşerojê Ahmet Davûtoglû, ji Serokkomar Erdogan re ku wî bi “xayîntiyê” sûcdar kiribû qaqibo kir û ev tişt got: “Ji bo evd jî tiştên ku Xwedê şahidiya wan kiriye bizanibin, ez amade me di qenala ku tu bixwazî de her tiştî biaxivim.”
Hevserokên Giştî yên HDP'ê Pervîn Bûldan û Mîthat Sancar, Cejna Remezanê ya gelan pîroz kir û peyama, "Ji bo ku avakirina wekheviyê û aştiyê, em bi biryarin ku têkoşîna xwe dewam bikin" dan.
Endamê Komîsyona Qanûna Bingehîn a CHP'ê Alî Mahîr Başarir, destnîşan kir ku nîqaşên derbarê qanûna bingehîn de li ber siya pergala dewleteke riziyayî û qirêjî tên kirin û got: "Peyva azadiyê û MHP'ê dijî hev in, nayên kêleka hev. Ez nikarim Bahçelî û lihevkirin, demokrasî û xweşbîniyê bînim kêleka hev."
Hevserokên Giştî yên HDP'ê Pervîn Bûldan û Mîthat Sancar, têkildarî pirsgirêkên di navbera Îsraîl û Fîlîstînê de daxuyanî da û gotin: "Rêya çareseriyê dîplomasî, diyalog û muzakere ye. Em banga lezgîn, di serî de li NY, hemû sazî û dezgehên navneteweyî dikin."
Berdevka HDP’ê Ebrû Gunay, di nirxandina xwe ya heftane de, bal kişand ser Komkujiya Dersimê û got: “Di êrişên hedef girtina ziman, çand û baweriya gelekê de, bi deh hezaran mirov hatin qetilkirin. Berpirsiyar wê li hemberî dîrokê hesap bidin.”
Hevserokê Giştî yê DBP'ê Keskîn Bayindir, diyar kir ku pirsgirêka kurdî bi operasyonên eskerî nayê çareserkirin û ji bo operasyonên li Zap, Metîna û Avaşînê jî got: "Dê li berxwedana gelê kurd biqelibin, dê AKP-MHP'ê belawela bikin."
Parlamentera HDP’ê ya Stenbolê Zuleyha Gulum, sedema sewqî nexweşxaneyê nekirina penaberên îranî yên li Navenda Paşve Şandina Aydinê tên girtin, ji Alîkarê Serokkomar Fûat Oktay pirs kir.
Cîgira Seroka Koma HDP’ê Meral Daniş Beştaş destnîşan kir ku pirsgirêka kurd bi oprasyonên dersînorî wê neyê çareserkirin û got: “Çareserî di hundirê Tirkiyeyê de ye, ne li dersînor e, di siyaseta Tirkiyeyê de ye.”
Siyasetmedaran destnîşan kirin ku dê operasyonên TSK'ê yên li Metîna, Avaşîn û Zapê ji bo çareserkirina pirsgirêka kurd bi kêr neyên û gotin: "Çareserî, pêşvebirina diyalogeke demokratîk û hevdîtina bi muxatabên pirsgirêkê re ye."
Hevserokê Giştî yê HDP’ê Mîthat Sancar, karkerên kaxizên avêtinê ziyaret kir û guhdarî pirsgirêkên wan kir. Sancar di serdana xwe de, bal kişand ser rewşa karkeran û wiha got: “Tekane rê, di têkoşîn û berxwedanê re derbas dibe. Ji bilî vê tu reyek din tuneye. Divê pergala zilmê bê guhertin.”
Parlamenterê HDP’ê Mûrat Sarisaç destnîşan kir îqtidarê bajarê Wanê veguherandiye bajarê polîsan û ew ê tevî hemû zextên îqtidarê jî li kuçe û meydanan têkoşîna xwe bidomînin û bigihînin serkeftinê.
Berdevka HDP'ê Ebrû Gunay, diyar kir ku di çareserkirina demokratîk a pirsgirêka Kurd de Ocalan aktoreke polîtîk ê bingehîne û wiha got: "Divê Ocalan bêguhdarkirin. Heya ku pirsgirêka Kurd çareser nebe, Tirkiye nikare nefesê bigire."
Hevserokê Giştî yê EMEP’ê Ercument Akdenîz, diyar kir ku bi Doza Kobanê hewl didin çavên hemû mûxalefetê bitirsînin û wiha got: “Doza karkerê ku greva wî tê qedexekirin, karkerê madenê ye ku jiyana xwe ji dest dide û Doza Kobanê ji hev serbixwe nînin.”
Hevseroka Giştî ya HDP’ê Pervîn Bûldan, diyar kir ku di Doza Kobanê de hikm berê hatiye dayîn û ev tişt got: “Dozeke wekaletê ya girtina tolhildana Kobanê ya neketî ye.”
Parlementerê CHP’ê Sezgîn Tanrikûlû ji bo Doza Kobanê ya ku weke şande tevlî dibin wiha got: “Ev doz dozeke ku desthilatê ji ber fikarên xwe yên siyasî vekiriye. Çarenûsa vê dozê wê siyaset diyar bike.”