Namzetê Serokkomiyê yê girtî Selahattîn Demîrtaş, diyar kir ku nûçeyên Dadgeha Qanûna Bingehîn daxwaza berdana wî red kir ne rastin û got: “AYM’ê serladana parêzeran a ji bo berdana min hîna ne nirxandine jî. Hîna teqlîdê miriyan dike.”
Namzetê HDP'ê yê Manîsayê Sirri Sakik, bal kişand ser tevlêbûna Tansu Çîller a mîtîngê AKP'ê û wiha got: “Aktora ku hêj hesabê kuştinên di serdema xwe de nedane, wekî ku serkeftin bi dest xistibe, mivan silav dikin. Ev rewş nîşan dide ku li Tirkiye demokrasî çiqas xerab e. Di serdema Çîller de her roj mirov dihatin kuştin."
Siyasetmedar Ahmet Turk, Huda Kaya û Sibel Uzun ên beşdarî mîtînga Stenbolê yabi sed hezaran kes amade bûn, xwest teqez her kes di 24'ê hezîranê de biçin ser sindoqan û hem dengê xwe bidin û hem jî sindoqan biparêzin. Siyasetmedaran got: "Em li dengê xwe jî li sindoqên xwe jî xwedî derkevin."
Namzetên HDP’ê li Enqereyê bi rêxistinên demokratîk re hatin cem hev. Di ziyaretan de Wekîlê HDP'ê yê Mêrdînê Mithat Sancar, diyar kir ku îktîdar ji bo HDP’ê di bin bendê de bihêle bi taybet dixebite. Sancar xwest her kes li sinrdoqan xwedî derkevin.
Rêxistina HDP'ê ya Colemêrgê di çarçoveya hilbijartina 24'ê heziranê de mîtîng pêk anî. Bi deh hezaran kes beşdar bûn. Berdevka Meclîsa Jinê ya HDP'ê Dîlan Dîrayet Taşdemir diyar kir ku ew dê AKP'ê li vê bi rê bikin.
Hevserokê Giştî yê HDP'ê Sezaî Temellî, di mîtînga li Cizîrê de xîtabî deh hezaran kir û wiha got: “Pirsgirêka kurd heye û em dê vê pirsgirêkê çareser bikin. Em dê bi hevre li van sindoqan xwedî derkevin. Dema me dengê xwe avêt sindoqan divê em neçin mal û sindoqan biparêzin. Em bi hevre van lîstikên qirêj qera bikin."
Hevserokê Giştî yê HDP'ê Sezaî Temellî, diyar kir ku Serokê AKP'ê Tayyip Erdogan ji bo partiya wan di bin bendê de bihêle serî li hemû hîleyan dide û wiha got: “Em ê bi derbaskirina bendê bersîvê bidin Erdogan û lîstikên wî xera bikin."
Endama Meclîsa CHP’ê ya berê Gulseren Onanç, bertek nîşanî daxuyaniya Erdogan a “HDP’ê dibin bendê de bihêlin” da û got: “Ji sedî 10 benda darbeya 12’ê Îlonê dewir girtin û li ser vî esasî polîtîka kirin bêexlaqiye. Dê dengên HDP’ê zêdetir bibin.”
Rêxistina HDP'ê ji bo Namzetê Serokomariyê yê HDP'ê Selahattin Demirtaş ku li Edîrneyê girtî ye, tev li mîtîngên Stenbol, Îzmir, Dîlok û Mêrdînê bibe serî li Wezareta Dadê û YSK'ê dan.
Lijneya Rêveberiya Navendî (MYK) a HDP'ê, derbarê binpêkirinên hiqûqî û nelirêtiyên berî hilbijartina 24'ê Hezîranê de, daxuyaniyek nivîskî weşand û got: "Serokkomar sûd dike û AYM hiqûqê binpê dike."
Namzetê HDP’ê yê Mêrdînê Mîthat Sancar, derbarê gotinên Erdogan ên partiya wan dibin bendê de bihêle de, wiha got: “Ev teşwîqkirina sûc e. Ger HDP bendê derbas bike, dê dawiya desthilatdariyê were.
Namzetê Serokkomariyê yê HDP'ê Selahattîn Demîrtaş li ser hesabê twitterê bersiv da Erdogan û got: "Binere vê carê ez tev li te dibim. Divê pîvanên namzetiya Serokkomariyê hebin. Ji bo bu bibe namzetê Serokomariyê divê teqez dîploma te hebe. Lê heta niha tu kesî dîplomaya te nedîtiye."
Hevserokê Giştî yê HDP'ê Sezaî Temellî di serdana TUSÎAD'ê de got: “Di belavkirina muçeyan de bêedaletî heye û di bacayan de jî bêdaletiyek mezin heye. Pirsgirêka mezinbûnê heye. Her ku em mezin dibin, em xizantir dibin.”
Hevseroka Giştî ya Partiya Demokratik a Gelan (HDP) Pervîn Buldan, di ziyareta gel a li Edeneyê de axivî û polîtîkayên AKP'ê û Serokomar Erdogan ên darvekirinê rexne kir. Buldan diyar kir ku feraseta Erdogan ji feraseta rejîma Îranê ya darvekirinê ne cudatir e.
Tevgera Azadî, PAK, PDK û PSK’ê daxuyaniyek hevpar dan û gotin: “Em ê di hilbijartina 24’ê Hezîranê de piştgiyê bidin namzetê Serokkomariyê yê HDP’ê Selahattîn Demîrtaş.”