Namzetê Serokomariyê yê CHPê Muharrem Înce, helwesta Erdogan rexne kir û got: “Erdogan dibêj e 'Ez dê kaporta, lastîk û koltukê çêkim.' Ez jî dibêjim em mejiyê wê çêkin. Nezan e. Cahîl e. Ji ber ku matematîk û fîzîkê nizane."
Namzeta parlementeriyê ya rêza yekemîn a Îzmîrê ya HDP’ê Serpîl Kemalbay, diyar kir ku tekane partiya ku rejîma yek zilamî ji holê rabike HDP ye û got: “HDP li hemberî statukoyê, pergala nîjadperest, faşist û mîlîtarîst bi sekna xwe û hêviya ku dide îktîdarên heyî ditirsîne.”
Hevseroka Giştî ya HDP’ê Pervîn Buldan bersiv da gotinên Erdogan û got: “Heta niha hêza tu kesî tunebûye ku HDP’ê di sindoqan de veşêrin. Li Stenbolê hedefa me 2 milyon bi destxistina dengan e.”
Serokê CHP'ê Kemal Kiliçdaroglu, danezana partiya xwe aşkere kir. Kiliçdaroglu, pirsgirêkên Tirkiye di bin 5 sernavan de kom kir û çareseriyên xwe yên ji bo wan parve kir. Kiliçdaroglu, diyar kir ku pirsgirêka kurd dê li meclîsê çareser bibe.
Piştî YSK’ê 5 namzetên HDP'ê yên parlamenteriyê veto kir, HDP'ê li şûna wan namzetên nû diyar kirin. HDP'ê li şûna Îdris Baluken, Mehmet Ruştu Tiryaki û li şûna Turgut Oker jî Zeynel Ozen nîşan da.
Hevserokên Giştî yên HDP'ê Pervûn Buldan û Sezaî Temellî li ber Girtîgeha Tîpa F a Edîrneyê starta hilbijartinê da. Lê rayedaran destûr neda Hevserokên HDP'ê Demîrtaş ziyaret bikin.
Namzetê parlamenteriya HDP’a Amedê yê rêza yekemîn Dr. Selçuk Mizrakli, 27 salin li Amedê bijîşk e. Ji aliyê gelê bajêr ve ji nezik ve tê naskirin. Mizrakli, diyar kir ku hewldana wî ya heya niha ji bo tenduristiya gel nîşandayî, dê ji vîr û şûnde ji bo azadî û demokrasiyê nîşan bide.
Bi dehan partî û rêxistinên civakî û demokratîk ên ku ne hevparen HDP'ê ne, bi civîna çapemeniyê piştgiriya xwe anîn ziman. Rêxistinên piştgirî dan HDP'ê diyar kirin ku dê di hilbijartina 24'ê Hezîranê de ji bo HDP û Demirtaş bixebitin. Hevserokê Giştî yê HDP'ê Sezaî Temellî jî diyar kir ku ew çawa di 8'ê Adarê, Newrozê û 1'ê Gulanê de bûn yek dê di hilbijartinê de jî bibin yek.
Hevseroka Giştî ya HDP’ê Pervîn Buldan bal kişand ser rol û mîsyona Rêberê PKK’ê Abdullah Ocalan a li ser pêvajoya çareseriyê û wiha got: “Dema em bên ser kar, tecrîda li ser Ocalan deynin aliyekê, der barê wî de geşadanên nû dê pêk werin.” Buldan anî ziman ku HDP bi hemû beşên civaka Tirkiyeyê re îtîfaq pêk aniye û banga di nava îtîfaqê de cih girtinê li gelê kurd kir.
Rêveberê HDP’ê yê Wanê Azîm Yacan der barê xebatên hilbijartinê de agahî dan û got: “Ji ber ku tu bendewariyên gel ji partiyên din nemane, em ê li bajêr 8 wekîlan bişînin Meclîsê.”
Namzetên HDP’ê yên ji civakên cuda gotin: “HDP ji bo yekîtiya gelan û dengê kolanan e em bûn namzet. Em hêvî ne dê bi HDP’ê veguherandin mezin pêk bê.”
Parlamentera HDP’ê Feleknas Uca “Deklarasyona çareseriya demokratîk a pirsgirêka kurd” eşkere kir. Uca destnîşan kir ku çareserkirina pirsgirêka kurd bi muxatabên wê re pêkan e û got: “Rêberê PKK’ê Abdullah Ocalan, di navbera salên 2013-2015’an di dema pêvajoya diyalogê de, wekî aktorekî nîşan da ku ew muxatabekî xurt e û dikare pirsgirêkê çareser bike. Di vê serdemê de piraniya civaka Tirkiyeyê jî wekî muxatab birêz Ocalan qebûl kiribû. 24’ê Hezîranê ji bo aştiyeke mayînde û birûmet hêvî ye.”
HDP dê sibê li Amedê “Deklarasyona çareseriya pirsgirêka kurd” eşkere bike. Hevserokê KCD’ê Berdan Ozturk têkildarî vê daxuyanî da û got: “HDP dê di warê pirsgirêka kurd rola xwe bileyîze.”
Hevseroka Giştî ya HDP’ê Pervin Buldan, di danasîna namzetên parlamenterên partiya xwe de got: "Em wekî AKP'ê, dewlemendî, meqam, şan û şohretê wehdî gel nakin. Her hevalên me yên bûn namzet baş dizane ku her yek namzetê berxwedan û têkoşînê ye. Hevserokê HDP'ê Sezaî Temellî jî diyar kir ku wan karê xwe yê di 7'ê Hezîranê de nêvî hiştibûn dê temam bikin.
HDP, dê di saetên êvarî de lîsteya navê namzetên xwe yên parlamenteriyê teslîmî YSK’ê bike. Navê hin kesên ku derketin pêş zelal bûn. Ji hemû nasname, çand û baweriyan nav cihê xwe di nava HDP'ê de digere. Hevserokên HDP'ê Pervin Buldan jî li Stenbolê û Sezai Temellî jî li Wanê namzet e.