Hevşaredarên HDP'î ku ji bo saziyên jin û navendên ciwanan ên qeyûm girtibûn ji nû ve vekin zend û bend bandan, gotin: "Em ê hewl bidin ku jinên hatine hepskirin xwedîgotin bin."
Platforma Yekitiya Jinên Kurd , li dijî polîtîkayên tundî, mudaxile û dagirkirina dewleta Tirk a axa herêmê ji partiyên siyasî û Neteweyên Yekbûyî (NY) name şandin û xwest pêşiya polîtîkayên şer û pevçûnê li herêmê bê bigirin.
Berdevka Meclîsa Jina ya HDP'ê Dîlan Dîrayet Taşdemîr, destnîşan kir ku di komcivîna partiya wan de ew li bersiva pirsa "em ê demokrasiya xwecihî çawa ava bikin?" geriyane û got: "Nexasim jî derket holê ku siyaseta rêya sêyem ku wê azadiya jinê pêşengiya wê bike û avakirina qadên demokratîk girêdayî rêveberiyên herêmî ye."
Pisporê Tipa Edlî Prof. Dr. Hakan Kar ê di Doza Şûlê Çet de, rapor pêşkêşî şandeya dadgehê kir, diyar kir ku derdora vajînayê DNA’ya aîdê zilamekê hat tespîtkirin.
Platforma Jinan a Şahmeranê ya Mêrdinê bal kişand ser qetilkiran jinan û îstîsmara zayendî ya li dijî zarokan. Platformê diyar kir ku zîhniyeta serdest kujer û êrîşkaran wekî qehreman nîşan dide, lê jin li dijî zîhniyeta serdest dê têkoşîna xwe mezin bikin.
Jinên endamên Piştevaniya Mor piştgirî dan Meryem Karalok ku bi salan e rastî lêdana hevjînê xwe tê, her çend dixwaze hev berdin jî, nikare hev berdin û bang li şandeya dadgehê kirin ku “Ne tenê ji hev berdanê, cînayetê jî, asteng bikin.”
Parêzer wê di danişîna 3'emîn da doza Şule Çet de rapora pisporên saziya tipa edlî pêşkêşî dadgehê bikin.
Hevşaredarên jin ên HDP'î behsa projeyên xwe yên dê pêk bînin kirin. Hevşaredarên jin bilêv kirin ku saziyên jinan ên ji aliyê qeyûm ve hatin girtin û pasîfkirin ji nû ve vedikin û wê xizmetên wan ên di vî warî de dewam bikin.
Tora Têkoşîna li dijî Tundiyê ya Amedê, diyar kir ku din ava 4 mehan de 954 jinan serî li wan dane, 418 jin rastî tundiya fîzîkî hatine, hezar û 716 zarok rastî tundiyê hatine û ewlekariya canê 258 jinan di talûkê de ye.
Platforma Jinan a Dersîmê, li dijî geşedanên tacîzê yê Zanîngeha Munzurê li avahiya KESK'ê daxuyanî da û xwest der barê Cem Tekînoglu de lêpirsîn bê destpêkirin û îdîa bên ronîkirin.
Gulcan Akin Felekoglû hesinkeriyê dike, anî ziman ku wê îlham ji efsaneya Kawayê Hesinkar girtiye û ji zarokatiya xwe ve vî karî dike.
Berdevka Meclîsa Jinan a HDP'ê Dîrayet Dîlan Taşdemîr, ji bo bûyera tecawizê ku li Bazîdê mamosteyekî tecawizî zarokeke 12 salî kiribû û hatibû xwestin mamoste bi zarok re bê zewicandin, diyar kir ku ev feraseta mantiqa navbeynkariyê ya AKP'ê ye.
Komxebata Perwerdehiya Rêveberiyên herêmî ya Demokratîk a HDP'ê li Wanê dest pê kir. Di komxebatê de Berdevka Meclisa Jinan a HDP'ê Dîlan Dirayet Taşdemîr, diyar kir ku rêvberiyên herêmî qada siyaseta ku hemû nasnameyan di nava xwe de diparêze û demokrasiya radikal esas digire ye. Taşdemîr xwest jin ji vê rêveberiya herêmî re pêşengiyê bikin û dem dema jinê ye.
Meclisa Şaredariya Hezroyê biryar girt ku ji bo girtina xebatkarên îdarî û teknîkî dê ji sedî 50 kotaya jinê pêk bîne.
Goksal Saglam, wexta ji girtîgehê derketibû Habîbe Çevîk ku hevjîna wî bû û dev ji hevdu berdabûn û xwişka wê Fatma Akdagê kuştibû. Derket holê ku dadgehê ji ber şidet pêk aniye hezar û 500 lîre cezayê pereyî li Saglam biriye.