Prof. Dr. Hasan Bîlgîlî yê li Fakulteya Baytarî ya Zanîngeha Enqerê bi sûcdariya êrîşa zayîndî li dijî Ç.B. pêk anî hatibû girtin, hat berdan. Parêzera Ç.B. Asli Arihan, diyar kir ku ji bo îtîraza biryarê hemû rê girtin û got: “Ji bo ku Bîlgîlî cardin bê girtin emê daxwazneme bidin.”
TJA'yê ji bo Sema Yuce ku sala 1998'an de li Girtîgeha Çanakaleyê agir berdabû laşê xwe û jiyana xwe ji dest dabû daxuyaniyek da û diyar kir ji bo azadiya jinê dê heta dawiyê têbikoşin.
Li Hatayê, di 25'ê Mijdara 2014'an de li dijî şideta li hemberî jinê çalakiyek hatibû lidarxistin. Piştî 5 salan ji ber vê çalakiyê der barê 17 jinan de doz hat vekirin.
TJA'yê têkildarî Nesrîn Sotoudeh ku li Îranê hat girtin û 38 cezayê girtîgehê lê hat birîn daxuyaniyek da û daxwaz kir ku Sotoudeh bê berdan.
Berdevka Meclîsa Jinan a DTSO Sevîm Vural, diyar kir ku armanca wan ewe ku bêtir keda jinê bê xuyakirin û parastin û wiha got: "Em dixwazin erk û hêza jinê xurt bikin. Emê xwe bigînin hemû jinên hewldêr û kedkar."
“Mîhrîcana Keda Jinê” ya ji aliyê Şarederiya Çankaya ve tê li darxistin û nêzî 500 jinan dê hilberînên kedên destên xwe pêşkêş bikin, dê di 28’ê Hezîranê de dest pê dike.
Jinên li bazara otantîk a Komeleya Çand, Huner û Muzîkê ya Guzelbahçeyê standê xwe vedan, anî ziman ku ji ber di warê aborî de ditengijin tên vira û ji ber bi tena serê xwe li ser piya disekinin kêfxweş in.
Dozger ji Casim Ozan Çeltîk ê rûyê hevjîna xwe Berfin Ozek bi kezzapê şewind re bi îdîaya “bi zanebûn kiriye" cezayê muebbetê xwest û doz vekir.
Endama Komeleya Jinan a Rosa Adalet Kaya, diyar kir ku zimanê desthilatdariyê tacîz, tecawîz û tundiyê zêdetir dike û got: “Li dijî vê yekê têkoşîna hevpar a rêxistinên jinan şert e.”
Li navçeya Tarsusê ya Mêrsinê mêr Emel Yalçin li mala wê kuşt.
Hejmara rojnameya jinan a Newaya Jin a Hezîranê, bi manşeta "Berxewdana Laçik Spîyan" derket.
TJA, diyar kir ku di 5 mehên destpêkê yên îsal de ji 200 zêdetir jin hatin kuştin û got: "Emê destûr nedin tarîtiya ku desthilatdariya zilam hewl dide pêş bixe."
Hevparên TJA yên Wanê, diyar kirin ku ji ber gotin û pêkanînên desthilatdariyê tecawîza li dijî zarokan zêde bûye û bang têkoşîna hevpar a li dijî tundî û tecawîzê kirin.
Nûnerên rêxistinên jinan bertek nîşanî Dadgeha Bilind ku cezayê muebetê yê Nevîn Yildirim erê kir dan û gotin: “Ne edalet zilam, divê em daxwaza xwe ya edaleta rast li ser Nevîn carek din bixin rojevê.”
Havva Zor, hevjînê xwe yê bi awayekî sîstematîk tundî li wê û zarokên wê dikir kuştibû. Piştre bi îdiaya "kuştina bi qesdî" der barê Zorê de bi daxwaza cezayê muebeta giran doz hat vekirin. Parêzer Mehtap Sert diyar kir ku ji ber dewletê neparast niha Havva Zor tê darizandin.