Xebatkara Navenda Jinan a Sara ya Şaredariya Xalfetiyê Fatma Korkmaz, diyar kir ku piştî qeyûm tayînî şaredariyê hat hat kirin li ser navê jinê çi hebû hemû tune kir û wiha got: "Em dê di hilbijartinên rêvberiyên herêmi de hemû destkeftiyên xwe paşve bistînin. Em dê qeyûm dîsa bişînin cihê wî yê berê."
Li gorî daneyên KCDP'ê di îlonê de 45 jin ji aliyê mêran ve hatin kuştin. Prz. Sîbel Onder, bal kişand ser cînayetên jinan û diyar kir ku sedema herî mezin a zêdebûna kuştina jinan bê ceza hiştin e. Onder xwest tebîren parastinê bên girtin.
Parlamenterên jin ên HDP’î, operasyona navenda wê Amed pêk hat weke êrîşa li dijî vîna jinan nirxandin û gotin: “Em ê bi vînek bihêztir beşdarî hilbijartina herêmî bibin.”
Jin Bi Hevre Bi Hêzin, bang li hemû jinan kir ku di 28’ê Cotmehê de beşdarî Hevdîtina Stenbolê bibin. Saziya jinan bang li hemû jinan kir û got: “Ji bo gotina ‘hûn nikarin dengê tevgera jinan qût bikin’ yekitî girînge.”
Li Manîsayê rêveberên HDP’ê bi jinan re li taştê hatin gel hev.
Jinên rojnameger berter nişanî girtin û binçavkirina rojnameger û siyasetmedarên jin dan û diyar kirin ku bi girtin û binçavkirina jinan vîna jinan dikin armanc. Jinên rojnameger anîn ziman ku bi binçavkirin û girtina jinan, nikarin wan bêdeng bikin.
Tora Parastina Jinê, bi armanca polîtîkayên feminîst pêş bixe û piştevaniya jinan xurt bike cihê “Warê Xemrî" vedikin. Endama Tora Parastinê Fulya Dagli, diyar kir ku ew dê li vî warî hem bi hevre hilberînin û xwe bi hêz bikin û hem jî bi hevre têkoşînê pêş bixin."
Berdevka Meclîsa Jinan a HDP'ê Dîlan Dirayet Taşdemir, operasyona li dijî siyasetmedar û rojnamegeran şermezar kir û wiha got: “Ev operasyon nişaneya têkçûna AKP’ê ye. Çawa me di salên 1990’an û operasyona 'KCK'ê ya 2009’an li ber xwe da, em dê niha jî li ber xwe bidin."
Encamnameya 1’emîn Konferansa Jinên Navnetewî ya bi dirûşma “Şoreş di qonaxa pêkhatinê de ye” ya Tora Jinan Siberojê Dihûne ku li Zanîngeha Goethe ya li bajarê Elmanya Frankfûrtê hat lidarxistin, hat eşkerekirin. Di encamnameyê de, hat diyar kirin ku divê Konfederalîzma Demokratîk a Jinên Cîhanê bê avakirin.
TJA xwest rojnameter û siyasetmedarên dibin çavan de bên berdan û got: “Jin dê bi binçavkirinan paşve gav neavêjin.”
Li Îdirê li Bûrhan B.'yê ku gelek caran xwişkên hev E.Y. (14) û E.Y. (12) îstismar kir, 82 sal û 8 meh û 6 roj ceza hat birîn.
Konferansa Jinan a Navneteweyî ya ku li bajarê Frankfûrtê ya Elmanyayê hat lidarxistin, di roja duyemîn de jî berdewam kir. Di rûniştina îro ya konferansê de li ser tecrubeya Bakurê Sûriyeyê hatin nîqaşkirin.
Li navçeya Kuçukçekmecê ya Stenbolê jina bi navê Îkram D. ji aliyê hevjînê xwe ve hat kuştin.
Meclîsa Jinan a HDP’ê encamnameya xwe eşkere kir û got: “Em ê li dijî polîtîkayên şer û tunekirina destkeftiyên jinan ên AKP’ê, di zemînek hevpar de têkoşîna xwe bi rêve bibin. Li dijî dijminantiya demokrasî û jinan, desthilatdariya zilam û faşîzmê, têkoşîn û berxwedan li hemû qadên jiyanê berdewam dike.”
Meclîsa Jinan, bi armanca pirsgirêkên karkerên jin çareser bike, Meclîsên Karkerên Jin ava kir. Meclîsa Jinan diyar kirin ku ew li dijî patronan rawestin û jin li kargeri, fabrîqe, ofîsan ne bi tenê ne.