Kongreya Star a Efrînê, li dijî êrîşên TSK'ê yên li ser Efrînê bang li hemû jinên cîhanê kir û got: "Em bang li xwişkên xwe yên cîhanê dikin. Divê bi lezgînê hûn bikevin nava tevgerê." Kongreya Star, diyar kir ku dê îşev saet 20.30'an de dest bi kampanyeye #WomenRiseUpForAfrin bikin.
Jinan, diyar kirin ku dê bi coş û rengên xwe beşdarî kongreya HDP'ê bibin û wiha gotin: “Çi bikin bila bikin dê HDP tim li ser piyan be û têk neçe. Em banga tevlîbûnê li hemû jin û raya giştî dikin.”
Ji gelek partiyên siyasî û rêxistinên pişeyî yên cûda jin hatin gel hev û Platforma Jinan a Amed Dîcle avakirin. Endama Platformê Mîzgîn Yavuz, derbarê avakirina platformê de got: “Bi OHAL’ê re tundî û bêmafiyên li ser jinê zêdebûn. Platform dê li dijî van demildest refleks nîşan bide.”
Parêzerên jin bertek nîşanî îşkenceya li ser bedena şervana YPJ’ê Barîn Kobanê ku di êrîşên li ser Efrîn de jiyana xwe ji dest da, dan û gotin: “Bedena cenazeyê jinekê tazî nîşandan, di hiqûqa navneteweyî de sûc e.”
Gelek jin li Amedê hatin gel hev, li dijî polîtîkayên ku jinan bê nasname dihêle, ji mafên perwerde û xebatê mehrûm dike, jinan di malê de hepis dike, Platforma Jinan a Amed Dîcleyê ava kirin.
Li gorî rapora Platforma Emê Kuştinên Jinan Rawestînin, di meha yekemîn a 2018'an de 28 jin qetil kirin, 147 zarok bi îstismara zayendî re rû bi rû man, 25 jinan şideta zayendî dît.
Encamnameya 2'yemîn Konferansa Jinan a HDP'ê hat aşkerakirin. Di encamnameyê de hat diyarkirin ku ewê li dijî eniya faşîst a AKP-MHP'ê têkoşîna xwe mezin bikin.
Endama Jinên Kedkar (EKA) Nurten Karahanci bertek nîşanî îşkenceya li bedena endama YPJ’ê Barîn Kobanê hat kirin da û got: “Dixwazin tola xwe ji bedenên mirî derbixin. Tolhildana ji bedenên mirî, ji bilî aciziyê ne tiştekî din e.”
TOKAMER ku ji bo di warê taciza zayendî û şidetê ya li dijî jinan hayjêxwebûnê li jinan peyda bike hat avakirin, gelek xebatên gîrîng kirin. Gerînendeya TOKAMER'ê Zeynep banû Dalaman diyar kir ku ew perwerdehiya di warê taciz û êrîşên zayendî de didin û di vî warî de ji xwendekaran re diyar dikin ka mafên wan çi ne.
Siyasetmedarên jin ên li Kandirayê girtî ne ji Konferansa Jinan a HDP'ê re peyamek hevpeş şandin, aşkera kirin ku êrîşa li dijî Efrînê li dijî hemû kurdan e.
M.B. li Mêrsînê rastî êrîşa zayendî ya polîsekî tîmê taybet hat. Aktîvîsta VAKAD'ê Songul Ozînver xwe gihand M.B. û diyar kir ku M.B. hêj di bin tehdîtê de ye û got: “M.B. got ‘Her gava min tê şopandin. Gefan li min dixwin.' Em bang li hemû rêxistinên jinan dikin ku hestiyar tev bigerin."
Encamnameya Konferansa Jinan a Rêveberiyên Heremî ya DBP’ê aşkere bû. Êrîşên li dijî Efrînê mohra xwe li konferansê da. Jinan rexnedayîna xwe da. Jinan biryara seferberiya rêxistinkirina li dijî desthilatdariya faşîzan û xespgir da.
Meclîsa Jinan a KESK'ê ya Stenbolê ku kampanyaya "Jin hînî Rewşa Awarte nabin" îmze kir, diyar kir ku bi KHK'yan cezayê hepsa mal, malbat û zayendiya civakî didin jinan û ji bo piştevaniyê bang li hemû jinan kir.
Meclisa Jinan a HDP'ê berî 3'yemîn Kongreya Asayî ya 11'ê Sibatê, dê bi şiyara "Jin jiyan e, em bi wêrekî jiyanê diparêzin" konferansê pêk bîne.
Ceylan Aynur Koroglu boyaxkirina textikan ji înternetê wekî hobî hîn bû, kir pîşeyê xwe. Koroglu da zanîn ku ruxmê zehmetiyan jî ji vî karî kêfê digire û wiha got: "Ev karê min ê yekemîn e. Divê hemû jin li ser piyên xwe bisekinin."