Hevseroka Giştî ya HDP'ê ya berê ku niha girtî ye Figen Yuksekdag, bi riya nameyê geşedanên rojevê û pêvajoya OHAL'ê nirxand. Yuksekdag, anî ziman ku polîtîkayên AKP'ê riziya ye û bi darê OHAL'ê yê riziya ye hewl dide xwe li ser piyan bihêle.
Jinên kurd li Amedê li hev kom bûn û her çiqas nêrînên wan ên siyasî û bîrdozî ji hev cuda be jî yekitiya neteweyî wekî “xeta sor” pênase kirin û ji bo yekitî pêk bê nîqaşên û plansazî kirin.
Hevalên Zulal Tutuncu ya li Bornovayê ji aliyê Gunhan Ozturk ve hat kuştin, bertek nîşanî zimanê hin saziyên çapemeniyê dan û diyar kirin ku berpirsiyarê kuştina Tutuncuyê polîtîkayên serdestiya mêrî yên hikûmetê ne.
Jinên kurd piştî civîna rojekê Platforma Yekîtiya Jinên Kurd ava kirin.
Meclisas Jinên HDP'ê ya Antalyayê berî ku partiya wan di 6'ê Çileyê de Konferansa Jinan a Herêma Îzmîrê li dar bixe, hatin gel hev.
Hevberdevka HDK'ê Gulîstan Kiliç Koçyîgît di konferansa Mor Dayanişmayê "Ya azadî ya azadî" de axivî û ev tişt got: "Em wekî jin dixwazin cîhaneke azad ava bikin, lê AKP li dijî vê gav bi gav tarîtiyê ava dike."
Jinên kurd ên bi mijara “Jinên kurd pêvajoyê nîqaş dikin” li hev civiyan, wiha gotin: “Banga me ji hemû jinên ji şîn girtinê westiyayîn re; werin em hêza xwe bi yên din re mezin bikin.”
Jinan, Taybet Înan a di qedexeyên derketina kolanan a Sîlopiyê de jiyana xwe ji dest da û 7 rojan cenazeyê wê li erdê ma, li kolana lê hat kuştin bibîr anîn. Hevseroka KCD’ê Leyla Guven diyar kir ku Dayîka Taybet bû sembola berxwedana Kurdistanê.
Meclîsên Jinan ên HDP’ê û DBP’ê yên Rihayê, dayika Taybet Înan a cenazeye wê li Silopiya 7 rojan li kolanê mabû bibîr anî.
Xwendekarên jin ên li zanîngehan li hemberî şidetê xwe birêxistin dikin, Meclîsên Jinan ên Zanîngehê ava kirin. Yek ji endama meclîsê xwendekara Zanîngeha Stenbolê Dîlara Gevrek wiha got: “Êdî jin ne di pozîsyona kesên digirîn û mexdûr dibin de ne, êdî dikevin pozisyona mudaxilekirinê.”
Li Rihayê di rojekê de, 2 jinên hat îdîakirin "întîhar" kirine kuşti hatin dîtin.
Li navçeya Bornovayê hevalên Zulal Tutuncu ya ji aliyê Gunhan Ozturk ve hat kuştin, bertek nîşanî kuştinên jinan dan û wiha gotin: “Em ê qêrîna jinan bê xwedî nehêlin.”
Nefîse Alkan a li Erdîşê, di serdema şaredariya DBP’î de ajokarê otobusê bû, piştî qeyûm ew ji kar avêt, dest ji karê xwe yê pir jê hez dikir berneda, mînîbusek kirî û karê ajokariyê domand.
Derket holê ku Şehrîban Dînç ya hevjînê wê Esat Dînç ew bikuje, 3 meh beriya bê kuştin ji Buroya Alîkariya Edlî ya Serokatiya Baroya Wanê bi daxwaznameyekê alîkarî xwestiye. Dinç gotibû “Ji kerema xwe re berî jinek din bê kuştin, bêyî ku dereng bikeve alîkarî bidin min.”
Endama jûriyê ya Dîzî Bamyalarê Yasemîn Oz balê kişand ser rêzefîlmên li Tirkiyeyê tên weşandin û wiha got: "Di demeke wek serdema Rewşa Awarte de ku tiştên polîtîk nayên nîqaşkirin û sansur û tirs zêde dibe de, hem ji bo çêker pereyan qezenc bikin hem jî wek riya tevizandina civakê rêzefîlm tên bikaranîn."