Dayika Hevserokê Giştî yê DBP'ê Mehmet Arslan ê ji ber ku lêgerîna tazî qebûl nekir û bi dijwarî derb kirin Ayşe Fatma Arslan, diyar kir ku ji bo kurê wê aştî xwestiye hatiye girtin û ev tişt got: "Yên êrîşê kurê min kirin êrîşê vîna gel kirin."
Wekîlê HDP'ê Nîmettullah Erdogmuş destnîşan kir ku peymana tirkperestiyê ya Tirkiyeyê nehatiye nivîsandin tê rojevîkirin, divê bêdengiya kurdan xelet neyê xwendin.
Rêveberê Komeleya Hemwelatiyên Helsînkî û endamê Însiyatîfa li Dijî OHAL'ê Bulent Atamer, diyar kir ku cihê OHAL'ê têrê nekir, polîtîkaya şer xistine dewrê. Atamer aşkera kir ku di mijara kurdan de gelek partî nijadperestiyê dikin.
Civîna sazî, partî, rêxistin û kesayetên Kurdistanî yên li Ewropa yên ji bo eşkerekirina helwesta neteweyî ya ji bo Efrînê didome. Di civînêde Endamê Komîteya Têkiliyên Derve ya TEV-DEM’ê Salih Muslim wiha got: “Dewleta Tirk bi çekên Ewropayê mirovan li Efrînê dikuje. Ev ne ya qebûlkirinê ye.”
Pisporê Rojhilata Navîn Mustafa Pekoz, diyar kir ku li dijî êrîşên xwe gihandin navenda Efrînê, dibe ku reaksiyona civakî ya wekî Kobanê di polîtîkayên hêzên navneteweyî de guhertinan çêke.
Hevserokê KCD'ê Berdan Ozturk, bang li her kesî kir û xewst her kes li dijî êrîşên li ser Efrînê dengê xwe bilind bikin. Parlamenterên HDP'ê Ziya Pir û Feleknas Uca jî bang li NY kirin û xwestin bi lezgîn têkevin nava tevgerê.
Hevseroka Giştî ya HDP'ê Pervîn Bûldan, got êrîşên Tirkiyeyê yên li ser Efrînê, şerê li dijî statuya gelê kurd e. Bûldan destnîşan kir ku wê operasyona Efrînê bi Tirkiyeyê nede qezenckirin û xwest Tirkiye demildest li gorî biryara agirbestê ya NY'yê tev bigere.
Endama Koma Diyalogê Bînnaz Toprak, diyar kir ku li dijî yekitiya serokomar divê muxalefet jî amadekariyan bike û ev tişt got: "Di warê ewlehiya hilbijartinê de peywireke girîng dikeve ser milê raya giştî jî. Dîsa heke partiyên muxalefetê di çarçoveya rêgezên partiyan de bên gel hev, serkeftin pêkan e."
Hevseroka Desteya Rêveber a Fedraliya Bakurê Sûriyê Foza Yûsif hişyarî da ku sivîlên Efrînê bi destê TSK'ê û komên girêdayî wê rastî komkujiyên tunekirinê tên û bang li gelê Kurdistanê li hermû parçeyên Kurdistanê û gelên Bakurê Sûriyê kir ku serî hilidin û tevlî banga seferberiyê bibin.
Bernameya Newroza îsal ku bi dirûşmeya "Newroz Berxwedan e, Li Dijî Faşîzmê Bihara Gelan e" bê pîrozkirin, bi civîna çapemeniyê ji raya giştî re aşkere kirin. Newroz dê li 49 navendan bê pîrozkirin. Nûnerên partiyên siyasî yên tev li bernameyê bûn diyar kirin ku wate û girîngiya Newroza îsal bêtir dîrokî ye û xwestin gelê kurd li dijî dehaqan di bin baneyê Yekîtiya Neteweyî de dakevin qadên Newrozê.
Di encama nîqaşa Efrînê ya li Lîjneya Giştî ya Meclîsê de wekîlên AKP’ê êrîşî HDP’iyan kirin û Parlamenterê HDP’ê Mahmut Togrul ê birîndar bû rapora 45 roj nikare kar bike girt.
Zanyarê Siyasetê Doç. Dr. Yucel Demirer, bal kişand ser tiqafa AKP-MHP’ê ya “Tifaqa Cumhur' û wiha got: "Tifaqa wan bi ser nakeve. Lê dîsa jî divê hêzên muxalif li dijî vê yekê bibin yekî yekîtiya li dijî vê yekê mecbûrî ye."
Endamê Meclîsa CHP’ê Zekî Kiliçaslan diyar kir ku pêwîste li dijî rejîma yekzilamî yekîtiyek bê avakirin û got: “Heke ku CHP, HDP, Partiya Îyî û Partiya Saadetê tifaqek ava nekin jî, lê divê deklarasyonek hevpar biweşînin. HDP û CHP jî bi qasî AKP’ê partiyên rewa ne.”
Cîgirê Serokê Giştî yê AKP'ê yê berê Abdullatif Şener, tev li bernameya "Gune Başlarken" ya ku Semra Topcu di Halk TV de pêşkêş dike bû û got: "AKP dê di 3 hilbijartina pêş de winda bike."
Berdevkê HDP’ê li Meclîsê civîna çapemeniyê li dar xist. Bîlgen diyar kir ku ji tifaqa hilbijartinê bêtir ewlehiya hilbijartinê girînge û got: “Heke ku desthilatdarî di anketan de xwe di bin mîsogeriyê de bibîne, dê di nava du mehan de biçin hilbijartinê.”