Endamê Meclîsa CHP’ê Zekî Kiliçaslan diyar kir ku pêwîste li dijî rejîma yekzilamî yekîtiyek bê avakirin û got: “Heke ku CHP, HDP, Partiya Îyî û Partiya Saadetê tifaqek ava nekin jî, lê divê deklarasyonek hevpar biweşînin. HDP û CHP jî bi qasî AKP’ê partiyên rewa ne.”
Cîgirê Serokê Giştî yê AKP'ê yê berê Abdullatif Şener, tev li bernameya "Gune Başlarken" ya ku Semra Topcu di Halk TV de pêşkêş dike bû û got: "AKP dê di 3 hilbijartina pêş de winda bike."
Berdevkê HDP’ê li Meclîsê civîna çapemeniyê li dar xist. Bîlgen diyar kir ku ji tifaqa hilbijartinê bêtir ewlehiya hilbijartinê girînge û got: “Heke ku desthilatdarî di anketan de xwe di bin mîsogeriyê de bibîne, dê di nava du mehan de biçin hilbijartinê.”
Parlamenterê HDP’ê Mithat Sancar, beriya dest bi erka Wekîltiya Serokatiya Meclîsê bike axivî û wiha got: “Ji bo em êşan kêm bikin û birînan derman bikin rêya jêveneger rêya aştî û demokrasiyê ye. Ev welat bûye welatê mirinên bê wext."
Hevseroka Giştî ya HDP'ê Pervin Buldan, di civîna koma HDP'ê de diyar kir ku wan li dijî îtîfaqa AKP-MHP'ê îtîfaqa jinan ava kirine û wiha got: "Em jinên li Efrînê li ber xwe didin bi rêzdarî, dildarî û hurmet silav dikin. Mi minasebeta 8'ê Adarê em pêşengê têkoşina jinê Rosa Luksemburg, Behice Boran, Sakine û Fatmayan bi hurmet û xoşevîst silav dikin."
Hevserokê Giştî yê DBP’ê Mehmet Arslan ê li Girtîgeha Kalkandere ya Rizeyê pêkanîna lêgerîna tazî qebûl nekir, heya ji ser hişê xwe çû îşkence lê hat kirin. DBP’ê derbarê îşkenceya li Arslan hatî kirin de daxuyanî da û got “Em ê bê deng nemînin.”
Seroka Giştî ya EMEP'ê Selma Gurkan ji bo "Îtifaqa Cûmhûr" ku AKP- MHP ji bo hilbijartinên 2019'an çê kirin got: "Qanûneke hilbijartinê ye ku ji bo bi her awayî ji sindoqan koalîsyona AKP-MHP'ê wekî îktîdar derkeve, rê vedike. Pir zelal e ku rengê dengên têkevin sindoqan û yên derkevin dê ne wekî hev bin."
Wekîla Serokên Koma HDP'ê Fîlîz Kerestecîoglu, êrîşa polîsan a duh li Enqere li dijî jinan bibîr xist û helwesta Serokwezîr Bînalî Yilidirim şermezar kir. Kesterecîoglu, diyar kir ku Yildirim di Kongreya Baskê Jinan a AKP'ê ya Muglayê de gotiye ‘Em tundiya li dijî jinan şermezar dikin. Destê dirêjî jinê dibin bişkên. Lê ger ku niyet ne rast be, pratîk jî hev nagire. Kerestecioglu, bal kişan ser bûyera Serêkaniyê û diyar kir ku rastî derket holê û heman lîstik li Efrînê jî tê lîstin.
Wekîla Serokên Koma HDP’ê Fîlîz Kerestecîgolu ji bo 8’ê Adarê li Tirkiyeyê bibe betlana fermî pêşniyara qanûnê da Meclîsê.
Hîndekarê Zanîngeha EHESS'ê Prof. Dr. Hamit Bozarslan ku bi gelek xebatên xwe referans tê nîşandan, diyar kir ku kurdan li Efrînê li dijî takdîka dualî ya leşkerî serkeftinek mezin bi dest xistine û wiha got: "Ji bo pirsgirêka li Rojhilata Navîn çareser bibe divê weki Konferansa Yalta ya sala 1945'an bê lidarxistin. Dîsa gelek rêyên çareseriyê hene.
Li Tirkiye ji ber şerê Efrînê û OHAL'ê nîşana daneyên aboriyê daketin jêr. Qeyrana aborî ku li Tirikye rû da, berê Tirkiye da welatên Efrîqayê. Piştî çavkaniyên aboriyê yên Korfezê têr nekir, AKP ji bo hilbijartina 2019'an xelas bike, li aliyekî fabriqeyan difiroşe li aliyê din ket sefera çavkaniyên aboriyê yên welatê Efrîqayê.
DBP’ê danezana encama civîna Meclîsa Partiya xwe eşkere kir û got: “Em ê li dijî operasyonên jenosîda siyasî têkoşînê berfireh bikin. Dê berxwedana jinan a 8’ê Adarê bibe pira Newrozê. Em ê bi vî awayî baweriya azadiya gelan û berxwedanê bilintir bikin.”
Piştî AKP-MHP'ê pêşniyarnameya "Zagona Îtifaqê" ya ji bo îtîfaqa hilbijartinê xistin rojevê, bertek û nerazîbûn jî zêde bûn. Nûnerên partiyên siyasî yên CHP û HDP'ê bertek nîşanî vê pêşnûmayê dan û diyar kirin ku bi vê guhertinê dê ewlehiya hilbijartinê ji holê rabe.
Alîgirê Serokatiya Giştî ya Saadet Partiyê (SP) Bîrol Aydin, diyar kir ku wê tifaqa AKP-MHP'ê bi kêrî civakê neyê û got: "Ne hewceyî gotinê ye, jixwe her tişt li holê ye."
Berdevkê HDP’ê Ayhan Bîlgen destnîşan kir ku helwesta Tirkiyeyê ya li dijî biryara agirbesta NY’yê neberpirsî ye û got: “Divê hûn biryara destnîşankirina ‘hemû Sûriyeyê’ bibînin û Efrînê jî dixe nava xwe. Divê hûn bizanibin û sekna pêwîst nîşan bidin.”