STENBOL - Tevî biryara qedexeyê ya Qeymeqamtiya Beyoglûyê jî komeke paşverû li pêşiya Mizgefta Aga ya li Qada Taksîmê kom bû. 

 

Komên paşverû careke din bi îdiaya ku Kovara Lemanê “heqaret li pîroziyên olê kiriye” li Taksîmê kom bûn. Platforma Piştevaniya Îslamî tevî biryara qedexeyê ya Qeymeqamtiya Beyoglûyê jî li pêşiya Mizgefta Aga ya li Qada Taksîmê kom bû. Koma ku di destên wan de dovîz hene, dirûşma “Heqaret li pêxember hatiye kirin bêceza namîne” berz dike. 

 

Li hêla din, balkêş e ku tevî biryara qedexeyê jî polîs tu mudaxileyan li vê koma behsa xeberê nake. 

 

Hêjayî bibîrxistinê ye ku Komeleya Akincilar a Rojhilat a Mezin (BDA) ku girêdayî Eniya Akinciyên Rojhilat a Mezin (ÎBDA-C) e, şevê din êrişî buroya Lemanê ya li navçeya Beyoglû ya Stenbolê kiribû.