Hevseroka Giştî ya HDP'ê Pervîn Bûldan û jinên ji Herêma Kurdistana Federe li hev rûniştin. Bûldan, got: "Em li kuderê dibin bila bibin qedera kurdan dişibe hev. Heta tecrîd bi dawî nebe, em nikarin behsa aştiyeke mayînde bikin."
Navenda Jinan a Jinwar, bertek nîşanî tecawiza li dijî jin û zaroka zêde dibe û xwest Dadgehên Pispor ên tenê li dozên zarokan mêze bikin bên avakirin.
Aktivîstên TJA'yê tecawiza zaroka 5 salî ya li Kanarya yê şarmezar kirin. Parlementera HDP'ê Semra Guzel, diyar kir ku tecawiza li dijî zaroka 5 salî, nîşaneya têkçûyîna civakiye û got: "Berpirsê bûyerê hikumeta AKP'ê ye."
Doîna Polivencû, ji bo jiyaneke hîn xweştir ji Romanyayê berê xwe dide Tirkiyeyê, lê belê ji ber şideta hevjînê xwe jiyana wê tarûmar dibe. Niha Polîvencû hewl dide dev ji hevjînê xwe berde, lê belê ji ber mafê wê yê hemwelatîbûyînê tune ye ditirse zarokên wê jî ji dest biçin.
TJA, bertek nîşanî tundiya polîsan a li dijî Dayikên Aştiyê yên li ber Girtîgeha Gebze û navçeya Qoserê, da û got: "Divê demildest berpirsiyar bên darizandin. Em banga mezinkirina têkoşînê li hemû jinan dikin."
Komek jin li Baxçeyên Hevselê nepoxên nivîsa “Daxwaza Leyla daxwaza me ye” firandin.
Li Êlihê jinên ku nanê tenûrê dipêtin û rojê 50 lîre qezenc dikin, bilêv kirin ku ji ber krîza aborî êdî nikarin debara xwe bikin.
Meclîsa Jinan a HDP'ê encamneya civîna duh li dar xist eşkere kir û got: "Jinan pêşengtiya hilbijartinê kirin û tifaqa AKP-MHP'ê winda kiriye. Emê di serdama nû de hêza rêxistina jinan mezintir bikin."
Hanîfe Tamûr, dayika Cîhan û Mahûm Tamûr ku di greva birçîbûnê de ne û Necla Atak, dayika Emîne Atak ku li dijî tecrîdê di greva birçîbûnê de ye, 25 sal in heval in û li dijî zilmê bi hev re li ber xwe didin.
Hevseroka Giştî ya HDP’ê Pervîn Buldan da zanîn ku ew ê pêşiya nedana mazbatayên hevşaredarên wan ên bi KHK’ê hatine îxrackirin hem di warê hiqûqî de û hem jî di warê siyasetê de bernedin û got: “YSK tam ketiye bin wesayeta AKP’ê. Ji saziyek serbixwe derktiye.”
Komek jin li Navçeya Rezan hatin gel hev û bi armanca desteka ji bo Leyla Guven meş li dar xistin.
Berdevka Meclîsa Jinan a HDP'ê Dîlan Dirayet Taşdemîr, bal kişand ser çalakiya greva birçîbûnê û wiha got: "Çalakiya greva birçîbûnê hatiye sînorê ku êşên mezin li pêy xwe bihêle. Em bang li hikûmetê dikin ku bi lez tecrîdê rakin. Guh bidin dengê çalakgerên di grevê de û dengê girtiyên di grevê de bibhîze."
Weqfa Sitargeha Jinan a Mor Çati, diyar kir ku ji 800 serlêdanên 682 jin rastî tundiyê hatine.
Aktîvîsta TJA'yê Ayşe Gokkan, diyar kir ku jinan di Newrozê de careke din ji pergala heyî re gotiye "Na" û wê hilbijartina 31'ê Adarê bibe dengê çalakiyên greva birçîbûnê.
Jinên kurd, terekeme, azerî û tirk ku xebatên hilbijartinê yên HDP'ê bi rê ve dibin, gund bi gund, tax bi tax digerin û li deriyê her kesî didin û behsa projeyên HDP'ê dikin.