Seroka Komeleya Jinan a li Dijî tundiyê ya Urdunê Kholoud Khrais, bal kişand ser şert û mercên Tirkiye yên ji bo jinên penaber û wiha got: “Dema em li wargehên penaberan ên li Tirkiye digerin, em dibînin ku bi taybetî ji bo jinan şertên guncav ên jiyanê tune ye."
Jinên dersimî ên di meha Xizirê de serdana cihwarên pîroz dikin û loqmeyan belav dikin, îsal çirayên xwe bi hêviya ku aştî pêk bê vêxistin.
Yekîtiya Tabîbên Tirk (TBB) têkildarî zêdebûna hêjmara parêzerên jin, dane parve kirin. TBB'ê diyar kir ku di 10 salên dawî de hêjmara parêzerên jin duqat zêde bûye û ji 20 hezaran derketiye 46 hezar parêzerên jin.
Platforma Yekitiya Jinên kurd ku ji gelek beşên cûda yên jinên kurd hat avakirin, deklerasyon weşand û got: “Em yekitiya jinên kurd, li pêş berjewendiyên hemû komele, sazî, inisiyatîf, tevger û partiyên siyasî dibîn in."
Li Saraykoyê Oktay Şahîn ê der barê wî de biryara dûrkirinê heye, hevjîna xwe û keça xwe ya 15 salî kuşt.
Gurbet Toprak a li bazara semtê dikandariyê dike, ji bo jinan derfetên kar diafirîne û bi hev re xebatê dimeşînin. Toprak, xwest jin hewceyî kesî nebin û aşkera kir ku geh li zeviyê, geh li bazar û geh li malê dixebite.
Li Efrînê bi deh hezaran jin li dijî êrîşa TSK'ê ya li ser Efrînê tê meşandin meşiyan û mîtîngek bi heybet pêk anîn.
Li navçeya Rêya Armuşê ya Wanê xizim û cîrana Hafîfe Temel a ji aliyê hevjînê xwe Ahmet Temel ve hat kuştin Behîce Temel, diyar kir ku Hafîfê bi salan rastî tundiyê hat û berî bê kuştin ji ber ku neçûye hawara wê bi wijdanî êşê dijî.
Jinên li Mêrsînê tev li perwerdehiya Bernameya Perwerdehiya Mafên Mirovan a Jinan (KÎHEP) dibin, diyar kirin ku ew li vir mafê xwe fêr dibin û baweriya wan a li hemberî wan zêde dibin.
Birayê parlamenterê AKP'î û Midûrê Îdareya Koçberiyê ya Konyayê Ahmet. B. yê kutacîzî jinek koçber a Misirî kiribû serbest hat berdan.
Rêxistina Efoya Navneteweyî, ji bo parazvanên mafên mirovan Atena Daîmî û Gulrux Îbrahîm Îrayî yên ji Girtîgeha Evîn a Tahranê sirgûnî Bajarê Reyê kirin û rastî tundiyê hatin, banga çalakiya lezgîn kirin. Daîmî û Îbrahim Îrayî ji 3'ê Sibatê heta niha di çalakiya greva birçîbûnê dene.
Tevgera Jinên Azad (TJA), ji bo aktîvîsta TJA Ayşe Gokkan a hefteyek e li Midûriyeta Polîsan a Mêrdîn di bin çavan de ye civîna çapemeniyê lidar xistin û diyar kirin ku tenduristiya Gokkan nebaş e û ji tenduristiya Gokkon bi fikar in.
Xwişkên hev Semra û Mekiye Guzel yên hatin îxraç kirin, li gel 2 hevparên xwe yên ji pîşeyên cuda hatin îxrackirin dikana etariyê vekirin û berhemên xwezayî yên bi keda destan difiroşin. Xwişkan, diyar kirin ku ev ne tenê xebateke aboriyê ye, di heman demê de bertek û sekna wan a li dijî polîtîkaya ku jinê ji jiyana civakî dûr dixe ye.
Li Îranê girtiyên siyasî aktîvîst û wênesaz Atena Daîmî û Gulrux Îbrahîm Îrayî ragihandin ku vê sibê li gorî saeta Îranê di 10.00’an de dest bi greva birçîbûnê kirine.
Endama Jinên Kedkar (EKA) Nurten Kararhanci, li dijî êrîşa li ser Efrînê bertekên xwe anî ziman û got: "Berxwedana jinan hêviyê dide me hemû jinan. Divê em li dijî êrîşan xwe bi rêxistin bikin û têkoşînê pêş bixin."