Endama Jinên Kedkar (EKA) Nurten Karahanci bertek nîşanî îşkenceya li bedena endama YPJ’ê Barîn Kobanê hat kirin da û got: “Dixwazin tola xwe ji bedenên mirî derbixin. Tolhildana ji bedenên mirî, ji bilî aciziyê ne tiştekî din e.”
TOKAMER ku ji bo di warê taciza zayendî û şidetê ya li dijî jinan hayjêxwebûnê li jinan peyda bike hat avakirin, gelek xebatên gîrîng kirin. Gerînendeya TOKAMER'ê Zeynep banû Dalaman diyar kir ku ew perwerdehiya di warê taciz û êrîşên zayendî de didin û di vî warî de ji xwendekaran re diyar dikin ka mafên wan çi ne.
Siyasetmedarên jin ên li Kandirayê girtî ne ji Konferansa Jinan a HDP'ê re peyamek hevpeş şandin, aşkera kirin ku êrîşa li dijî Efrînê li dijî hemû kurdan e.
M.B. li Mêrsînê rastî êrîşa zayendî ya polîsekî tîmê taybet hat. Aktîvîsta VAKAD'ê Songul Ozînver xwe gihand M.B. û diyar kir ku M.B. hêj di bin tehdîtê de ye û got: “M.B. got ‘Her gava min tê şopandin. Gefan li min dixwin.' Em bang li hemû rêxistinên jinan dikin ku hestiyar tev bigerin."
Encamnameya Konferansa Jinan a Rêveberiyên Heremî ya DBP’ê aşkere bû. Êrîşên li dijî Efrînê mohra xwe li konferansê da. Jinan rexnedayîna xwe da. Jinan biryara seferberiya rêxistinkirina li dijî desthilatdariya faşîzan û xespgir da.
Meclîsa Jinan a KESK'ê ya Stenbolê ku kampanyaya "Jin hînî Rewşa Awarte nabin" îmze kir, diyar kir ku bi KHK'yan cezayê hepsa mal, malbat û zayendiya civakî didin jinan û ji bo piştevaniyê bang li hemû jinan kir.
Meclisa Jinan a HDP'ê berî 3'yemîn Kongreya Asayî ya 11'ê Sibatê, dê bi şiyara "Jin jiyan e, em bi wêrekî jiyanê diparêzin" konferansê pêk bîne.
Ceylan Aynur Koroglu boyaxkirina textikan ji înternetê wekî hobî hîn bû, kir pîşeyê xwe. Koroglu da zanîn ku ruxmê zehmetiyan jî ji vî karî kêfê digire û wiha got: "Ev karê min ê yekemîn e. Divê hemû jin li ser piyên xwe bisekinin."
Rojnamevanên jin destnîşan kirin ku ew ê li hemberî qajqajokiya şerî û propagandaya şerî tim û tim aştî û heqîqetê binivîsînin. Rojnamevan got çapemeniya şer bi serketinên sanalî gel dixapîne.
Hevserokê Şaxa SES'ê ya Bakirkoyê Mursel Firat, bi Serbijîşkê Nexweşxaneya Perwerdehî û Lêkolînê ya Kanûnî Sûltan Suleymanê ku ducaniya 115 zarokên bi îstismarê nixumand re hevdîtin kir. Firat, anî ziman ku tenê derdê serbijîşk ew e ku rastiya îstîsmara li nexweşxaneyê veşêre.
Jin dê di 30-31'ê Çileyê de, bi şîara "Li dijî faşîzmê pergala hevserokatiyê" Konferansa Jinan a Rêveberiyên Herêmî ya DBP'ê lidar bixin. Endama Meclisa Partiyê Zuhal Tekîner, diyar kir ku rexneyên ku ji gel girtine dê ji bo plansaziya wan bibe ronahî.
Endama Konseya Jinan a Navenda Şoreşgeran Gul Nuhjîn Dînler, diyar kir ku êrîşa li dijî Efrînê li dijî azadiya jinê ye û wiha got: "Jinên Efrînê dê bersiva pêwîst bidin AKP'ê. Divê hemû jin xwedî Efînê derbikevin."
Kovara Jîneolojiyê di hejmara xwe ya 8'an de "Jiyana wekhev a azad" nîqaş dike.
Piştî bertekên li dijî îstîsmara zayîndî ya 115 zarokên keç, di çarçoveya lêpirsîna dozgeriyê de, dest bi îfade wergirtina zarokan hat kirin. Alîkara Seroka Komeleya Psîkiyatriyê ya Tirkiyê Prof . Dr. Yildiz Akvardar, diyar kir ku dema îfadeya zarokan bê girtin, divê destûr neyê dayîn cardin travma derbas bikin.
Meclîsa Jinan a HDP’ê, diyar kirin ku dê yekîtiya azadiya jinê, wekhevî û demokrasiya gelan a li Efrînê şîn bûyî biparêzin.