Hevşaredara Sêrtê Sofya Alagaş ku ji ber xebatên rojnamegeriyê ceza lê hate birîn, wiha got: “Ev, êrişeke li dijî vîna gelê Kurd e. Vê dadgehê, careke din piştrast kir ku dijminatiyê li Kurdan dike.”
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Di doza Hevşaredara Sêrtê Sofya Alagaş de 6 sal û 3 meh cezayê hefsê hate dayin.
Fermandarê Giştî yê HSD’ê Mazlum Ebdî diyar kir ku di mijara yekparetiya xaka Sûriyeyê û çareseriya siyasî de di navbera wan û rêveberiya Şamê de ji hêla nêrînê ve pirsgirêk tune ye û got: “Ji bo çareseriyê me daxwazên xwe jê re gotin û em li benda bersivê ne.”
Hevseroka Konseya Rêveber a KCK’ê Besê Hozat got: “Ji bo Rêber Apo bikare bang bike divê tecrîd bê rakirin.” Besê Hozat, da zanîn ku heta niha tu peyam ji wan re neçûne û got ku heke dewlet polîtîkaya çareseriyê deyne holê, ew dikarin mijara berdana çekan nîqaş bikin.
Nûnerên saziyên ku kampanyaya "Ji Rojava re statu, ji gelan re azadî" îmze kirin, bal kişandin ser gengeşeyên li ser pirsgirêka kurd û gotin: "Gava li hundir doza aştiyê bê kirin, divê li derve komkujî neyên kirin."
Hevşaredarê Peyasê Cengîz Dundar ê ku dema mamoste bû ji ber tevlî xebatên sendîkayan bû hat girtin û serbest hat berdan, diyar kir ku divê desthilat dest ji polîtîkayên ku zirarê dide edaletê berde û got ku ev polîtîka wê bi ser nekevin.
Dikana Piştgiriya Jinan a Hêvî ya Şaredariya Silopiyayê xwe gihand 2 hezar malbatên hewcedar. Ceylan Denîzê ji bo hîn bêtir bigihîjin malbatan banga "alîkariya ji bo dikanê" kir.
Dewleta tirk li navçeya Ranyayê ya Silêmaniyeyê wesayîtek bombebaran kir. Li gorî agahiyan, 3 welatiyên sivîl ên di wesayîtê de hatin qetilkirin.
Bi daxwaza naskirina statuya Bakur û Rojhilatê Sûriyeyê li navçeya Depê daxuyanî hate dayin.
Platforma Parastina Bajar û Piştevaniyê ya Amedê bernameya xwe ya hevdîtinên li Enqereyê diyar kir.
DFG û MKG ji bo balê bikişînin ser zextên ser rojnamegeran ku roj bi roj zêdetir dibin, dê li Amedê daxuyaniyê bidin.
Navenda Ragihandina HSD’ê ragihand ku di encama çalakiyên hêzên wan de li gundewarên Minbicê de 8 endamên komên paramîlîter hatine kuştin.
Dewleta tirk bi balafirên şer êrişî gundên Dihokê kir. Di êrişê de 2 welatî hatin qetilkirin.